ریلوے ءِ وفاقی وزیر ءَ سیکورٹی ءُ جرم ءِ گر ءُ دار ءِ ھوالگ ءَ دیوان ءِ سروکی کت، بے ٹکٹ ءَ سفر کنوکیں مردمانی ھلاپ ءَ کارروائی ءِ پنت ءُ شون

اسلام آباد۔26نومبر  (اے پی پی):وفاقی وزیر ریلوے محمد حنیف عباسی ءِ سروکی ءَ چار شمبے ءِ روچ ءَ ریلوے ءِ تہ ءَ سیکورٹی ءُ جرم ءِ گر ءُ دار ءِ ھوالگ ءَ دیوان برجم دارگ بوت۔ گند ءُ نند ءَ ریلوے پولیس ءِ کارکردگی ءِ بابت ءَ بریفنگ دیگ بوت۔ ریلوے ءِ وزیر ءَ پنت ءُ شون کت کہ ٹکٹ چیکنگ مہم ءَ را گیش اثرمند کنگ بہ بیت۔ آئی ءَ اے گپ ءِ پدرائی کت کہ بے ٹکٹ ءَ سفر کنوکیں ءُ ٹکٹ ءِ بندوبست کنوکیں مردمانی ھلاپ ءَ سکیں کارروائی کنگ بیت۔ ریلوے پولیس دُزی، قاچاق ءُ دگہ جرم آنی ھلاپ ءَ مھکمیں گامگیج زورگ ءَ اِنت۔ ایشی ءَ ابید ریلوے ءِ وزیر ءِ پنت ءُ شون ءِ رد ءَ تجاوزات ءِ ھلاپ ءَ پالیشی ءَ را سرجمی ءَ فعال کنگ بوتگ۔ ریلوے ءِ زمین ءِ سرا سالانی سال ءِ تجاوزات ھلاس کنگ بوھگ ءَ انت ءُ ہر انچ ءَ را پدا زندگ کنگ بوھگ ءَ انت۔ گند ءُ نند ءَ آئی جی ریلوے ، ایس پی ریلوے پنڈی ڈویژن ءُ ریلوے ءِ مزنیں کارندہ آں ھم شریک بوتگ ۔ وفاقی وزیر ءَ ریلوے پولیس ءِ فعال ءُ موثر کارکردگی ءَ را ساڑات ءُ گوشت کہ اے گامگیج آنی وسیلگ ءَ ریلوے ءِ ایمنی ءُ مسافر آنی جان سلامتی ءَ را گہتر کنگ بیت۔