پی ٹی وی دود ءُ ربیدگ آنی نگہبان اِنت، مدام وتی دود ءُ ربیدگ ءُ ارزشت آناں ھیال ءَ داشتگ، اصلاحات ءِ عمل ءَ نجی شعبہ ءُ پاکستان ءِ جنریشن زیڈ ءِ بھر زوری ناگزیر اِنت، وفاقی وزیر اطلاعات عطا اللہ تارڑ

اسلام آباد۔26نومبر  (اے پی پی):وفاقی وزیر برائے اطلاعات ءُ نشریات عطا اللہ تارڑ ءَ پی ٹی وی ءِ 61می سالروچ ءِ مبارکی دیان ءَ گوشت کہ پی ٹی وی دود ءُ ربیدگ آنی نگہبان اِنت کہ آئی ءَ مدام وتی دود ءُ ربیدگ ءُ قدر آنی ھیال ءَ داشتگ، پی ٹی وی نیوز ءَ ھم راستی ءِ واستہ کوشست ءِ وھد ءَ جوانیں بیانیہ ءِ دیمروئی کتگ ءُ پی ٹی وی ءِ شانداریں ارادہ بوتگ۔ چار شمبے ءِ روچ ءَ پاکستان ٹیلی ویژن ءِ 61می سالروچ ءِ موہ ءَ پی ٹی وی نیوز ءِ مارننگ شو ءِ تہ ءَ ھاسیں رنگ ءَ تران کنان ءَ وفاقی وزیر ءِ اھوالکاری ءَ پی ٹی وی ءِ شانداریں گوست ءُ ادارگ ءِ آیوکیں وھد ءِ بحالی ءِ واستہ راجی یکوئی، ڈیجیٹل نوآبادیاتی ءُ پائیدار اصلاحات ءِ ضلورت ءِ سر ءَ زور پر دات۔ آئی ءَ گوشت کہ اصلاحات ءِ عمل ءَ نجی شعبہ ءُ پاکستان ءِ جنریشن زیڈ ءِ بھر زوری ناگزیر اِنت، وھدیکہ تعمیری تنقید ءَ را وش آتکیں دیمروئی ءِ رنگ ءَ چارگ ءَ پی ٹی وی ءَ را گیش مھکم کنگ بوت کنت۔ آئی ءَ گوشت کہ پاکستان یک انچیں گس ءِ وڑ ءَ انت کہ ایشی ءِ رکھینگ ءِ ذمہ واری مئے درستانی سر ءَ شرپ ءُ شرپ ءِ گوما انت۔ تنقید ءِ منگ گوں دل ءِ پچیں ءُ یکے دومی ءِ یکوئی ءِ برجاہ دارگ پہ راجی دیمروئی ءُ ارزشتانی رکھینگ ءَ بنیاتی ارزشت ءِ واھند اِنت۔ یک جست ءِ پسو ءَ وفاقی وزیر ءِ اھوالکاری ءَ گوشت کہ راستی ءِ جھد ءِ وھد ءَ پاکستان ءِ جنریشن زیڈ ءَ سرجمیں ءُ فعالیں کرد پیلو کتگ، دژمن حیران بوتگ کہ جنگ ءِ چاگرد ءَ پاکستانی راج چون مطمئن بوتگ۔ آئی ءَ نوکیں نسل ءِ راج دوستی ءِ جذبہ ءِ توسیپ کت ءُ گوشت کہ اے نسل ملک ءِ آیوکیں جہت ءِ زانگ ءَ مرکزی کرد ءَ پیلو کنت۔ آئی ءَ گوشت کہ نوں وھد اتکگ کہ جنریشن زیڈ دیم ءَ بہ روت ءُ ملک ءِ ھزمت ءَ بہ کنت ءُ پاکستان ءِ شانداریں میراث ءَ را نوکیں لوٹ آنی گوما ھمگرنچ کنان ءَ دیمروئی ءِ واستہ نوکیں راہ ءُ در آناں جوڑ بہ کنت۔ وفاقی وزیر اطلاعات ءَ گوشت کہ پی ٹی وی ءِ راجدپتری ورثہ ءَ را آیوکیں وھد ءِ ضلورت آنی رد ءَ نوکیں لیکہ آنی سر ءَ جوڑ کنگ المی اِنت تانکہ راجی نشریات ءِ ادارگ ترندی ءَ گوں بدل بوھوکیں میڈیا ءِ چاگرد ءَ جوانیں رنگ ءَ دیم ءَ شُت کنت۔ آئی ءَ زور پر دات کہ نجی شعبہ ءِ شریکداری ءَ ادارگ ءِ تہ ءَ اصلاحات ءِ عمل ءَ را ترند ءُ موثر جوڑ کنگ بوت کنت، ایشی ءَ چہ پی ٹی وی ءَ را نہ ایوک ءَ وتی ناظرین آنی گوما جوانیں رنگ ءَ رابطہ کنگ ءِ اہل جوڑ بیت بلکیں پائیدار ءُ دیمروئی ءِ نشریات ءِ آیوکیں وھد ءَ را ھم دل یکیمی کنگ بیت۔ عطا اللہ تارڑ ءَ پی ٹی وی ءِ چاروک ءُ وزارت ءِ اھوالکاری ءِ ٹیم ءَ را ادارگ ءِ ڈیجیٹلائزیشن ءُ نوک کنگ ءِ تہ ءَ وتی ازمت آنی پد ءَ شگر ءُ منت گپت۔ آئی ءَ ھاسیں رنگ ءَ پاکستان ءِ جنریشن زیڈ ءِ توسیپ کت ءُ گوشت کہ اے نسل ملک ءِ رژنائیں گوست ءَ را جوانیں آیوکیں وھد ءَ گوں ھمگرنچ کنگ ءَ کلیدی کرد پیلو کنت۔ وفاقی وزیر ءِ اھوالکاری ءَ وزارت ءِ اھوالکاری ءِ برجاھیں منصوبگ آناں گپ جنان ءَ گوشت کہ انگریزی زبان ءِ شنگکاری چینل آناں دیمروئی ءُ دیم ءَ آرگ ءِ واستہ کار برجاہ اِنت، وھدیکہ الجزیرہ ءِ وڑیں گلوبل میڈیا پلیٹ فارم آنی تجربگ آنی چہ رہشونی کنگ ءَ پاکستان ءِ پوزیشن ءَ را میاں اوستمانی تک ءَ جوانیں رنگ ءَ پیش کنگ ءِ واستہ گامگیج زورگ بوھگ ءَ اِنت۔ آؤکیں وھد ءِ ھیال ءَ دارگ ءَ ما راستیں راہ ءَ روگ ءَ ایں ۔ آئی ءَ گوشت کہ پی ٹی وی ءَ نوکیں لوٹ آنی گوما ھمگرنچیں انگریزی چینل ”پاکستان ٹی وی“ ءِ بندات کتگ، پی ٹی وی ءَ انچیں رنگے ءَ جوڑ کنگ ءِ ھاترا کہ ھر پاکستانی گشگ بہ بیت کہ اے منی ٹی وی اِنت۔ آئی ءَ گوشت کہ پی ٹی وی شنگکاری میڈیا ءِ تہ ءَ ھال، دلگوش ءُ لیب ءُ گوازی ءِ شوبگ ءَ پیشگام اِنت۔ وفاقی وزیر ءَ گوشت کہ پی ٹی وی ءِ ڈرامہ انگت ءَ ذھن آنی تہ ءَ نبشتہ اِنت۔ آئی ءَ گوشت کہ پاکستان آئیڈل ءَ ورنا آناں ٹیلنٹ ءِ موہ دات۔ وفاقی وزیر ءَ گوشت کہ اگاں پاکستان است گڈا ما درست آں، ملک ءِ شرپ ءُ راجی نپ ءَ چہ گیش ھچ نیست۔ عطا اللہ تارڑ ءَ گپ ءُ تران ءِ گڈ ءَ گوشت کہ پاکستان ءِ دراجیں مدت ءِ دیمروئی ءِ واستہ اصلاحات آنی برجاہ دارگ سک باز المی انت۔ آئی ءَ گوشت کہ توامیں اسٹیک ہولڈر یکجائی ءُ جذبہ ءِ گوما یکجائی ءَ کار بہ کن اَنت تانکہ ڈیجیٹلائزیشن، میڈیا انوویشن ءُ راجی دیمروئی منصوبگ آیوکیں نسل آنی واستہ دیریں آسراتی ءَ را دل یکیمی کنگ بہ بنت۔ ایشی ءَ پد وفاقی وزیر اطلاعات عطا اللہ تارڑ ءَ ھم پی ٹی وی ءِ 61 سالی روچ ءِ درگت ءَ کیک ءِ کٹ اتگ۔ اے موہ ءِ سر ءَ انفارمیشن سیکرٹری اشفاق احمد خلیل ءُ پی ٹی وی ءِ مزنیں کارندہ ھم ھوار بوتگ اَنت۔