مزن وزیر محمد شہباز شریف ءَ بحرین ءِ بادشاہ حمد بن عیسیٰ الخلیفہ ءَ گوں گند ءُ نند کتگ، سیاسی، اقتصادی، دفاعی ءُ دود ءُ ربیدگ ءِ شوبگ ءَ ھوار دو نیمگی سیادی آناں گیش گیوار کنگ ءِ سر ءَ تپاک

منامہ۔26نومبر  (اے پی پی):پاکستان ءُ بحرین ءَ سیاسی، اقتصادی، دفاعی ءُ دود ءُ ربیدگ ءِ شوبگ ءَ ھوار دو نیمگی سیادی ءَ را گیش گیش کنگ ءِ سر ءَ تپاک کتگ ءُ دیریں دفاعی شریکداری ءِ ارزشت ءِ پدا پدر کنگ ءَ انت وھدیکہ مزن وزیر محمد شہباز شریف ءَ پاکستان ءِ واھشت ءِ سر ءَ زور پر دات کہ بحرین ءَ گوں دو نیمگی تجارتی ءُ سرمایہ کاری ءَ را گیش دیمروئی دیگ بہ بیت۔ پاکستان ءُ جی سی سی ءِ آزاد تجارتی معاہدے ءِ گوما کہ آ وتی گڈی پڑاں داخل بوتگ۔ چار شمبے ءِ روچ ءَ مزن وزیر محمد شہباز شریف ءَ بحرین ءِ شاہ حمد بن عیسیٰ الخلیفہ ءَ گوں گند ءُ نند کتگ ءُ براتیں ملک آنی نیام ءَ مھکمیں ءُ راجدپتری شریکداری ءِ سر ءَ گپ ءُ تران کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گرمیں وش اتک ءِ سر ءَ حمد بن عیسیٰ الخلیفہ ءِ منت گپت ءُ پاکستان ءِ گوما بحرین ءِ دیریں نیک راھی ءِ ساڑات کت۔ آئی ءَ امن، رواداری ءُ ھمزوری ءِ دیمروئی ءِ تہ ءَ بحرین ءِ سروکی ءِ توسیپ کت۔ گند ءُ نند ءِ ساھت ءَ بحرین ءِ بادشاہ ءَ مزن وزیر محمد شہباز شریف ءَ را آرڈر آف بحرین (اولی درجہ) ءِ داد دات کہ بحرین ءِ نیمگ ءَ یک جھان ءِ سروک ءَ را داتگیں مستریں شرپ اِنت۔ گند ءُ نند ءِ ساھت ءَ بحرین ءِ بادشاہ ءَ گوشت کہ بحرین ءَ را شرپ انت کہ قائداعظم محمد علی جناح بحرین ءِ قانونی نمائندہ بوتگ۔ بحرین ءِ بادشاہ ءَ گشتگ کہ آئی ءِ ریکارڈ ءِ تہا استیں کاگد ءِ رد ءَ محمد علی جناح بحرین ءِ وکیل بوتگ۔ دوئیں نیمگ ءَ دو نیمگی سیادی آنی تہ ءَ دلبڈی ءِ رپک ءِ سر ءَ چار ءُ تپاسی کت ءُ سیاسی، اقتصادی، دفاعی ءُ ثقافتی شوبگ آنی تہ ءَ کمک ءَ را گیش گیش کنگ ءِ سر ءَ تپاک کت۔ مزن وزیر ءَ یکجائی ایمان ءُ یکے دومی ءِ احترام ءِ بنیات ءَ دو نیمگی سیادی ءَ را گیش گہتر کنگ ءِ پاکستان ءِ عزم ءِ سر ءَ زور پر دات ءُ بحرین ءِ سروکی ءِ جتا جتائیں پڑ آنی تہ ءَ کمک ءِ منت گپت، ایشی ءِ تہ ءَ ستمبر 2025 ءَ اسلام آباد ءَ کنگ حمد یونیورسٹی فار نرسنگ اینڈ الائیڈ میڈیکل سائنسز ءِ جوڑ کنگ ھوار اِنت۔ تجارت ءُ سرمایہ کاری ءَ را گیش کنگ بہ بیت۔ آئی ئَ گوشت کہ پاکستان ءُ جی سی سی ءِ آزاد بیپاری ءِ معاہدہ وتی گُڈّی سیمسر آنی تہ ئَ سر بوتگ ایشی ءِ تہ ئَ دو نیمگی بیپاری ئَ را گیش دیمروئی دیئگ ءِ واستہ تیار اِنت۔ آئی ءَ بحرین ءِ سرمایہ کار آناں ھاسیں سرمایہ کاری ءِ آسراتی کونسل ءِ وسیلگ ءَ جتا جتائیں شوبگ آنی تہ ءَ پاکستان ءَ گیش سرمایہ کاری ءِ موہ آناں پٹ ءُ پول کنگ ءِ دعوت دات، ھاسیں رنگ ءَ فوڈ سیکیورٹی، آئی ٹی، تعمیراتی، کان کنی، سیل ءُ سواد ءُ جان سلامتی ءِ تہ ءَ۔ مزن وزیر ءَ بحرین ءَ یک لکھ لکھ لکھ ءَ چہ گیش پاکستانی آناں پجارینگ ءِ آسراتی ءُ مہمان داری ءِ ھم ساڑات ءُ پاکستانی قیدی آناں وطن ءَ واتر کنگ ءِ واستہ حمد بن عیسیٰ الخلیفہ ءِ شگر ءُ منت گپت۔ دوئیں رہشوناں دیریں دفاعی شریکداری ءِ ارزشت ءِ پدا پدر کت ءُ تکنیکی تربیت، رسد، مردمی قوت ءُ دفاعی پیداوار ءِ تہا کمک ءَ را گیش مھکم کنگ ءِ سرا تپاک کت۔ دوئیں سروکاں غزہ ءِ گوستگیں جاورانی سر ءَ گپ ءُ تران کت ءُ اے گپ ءِ سر ءَ تپاک کت کہ غزہ ءِ الس ءِ واستہ امن ءُ ایمنی ءِ برجائی کہ آ دہائیاں چہ زھر ءُ زھمت ءِ آماچ اَنت سک باز وش آتک اِنت کہ غزہ ءِ الس بازیں وھد ءَ چہ ایشی ءِ ودار ءَ اِت اَنت۔ گند ءُ نند ءِ گڈ ءَ دوئیں نیمگ ءَ دل یکیمی ءِ درشان کنگ بوت کہ اے تر ءُ تاب ءَ چہ پاکستان ءُ بحرین ءِ نیام ءَ برجاھیں دوستی ءُ کمک ءَ را گیش مھکم بیت۔ گند ءُ نند ءِ گڈ ءَ بحرین ءِ بادشاہ ءَ مزن وزیر محمد شہباز شریف ءُ پاکستانی ڈل ءِ شرپ ءَ نان ءِ ورگ ءِ میزبانی ھم کت۔