وفاقی وزیر ڈاکٹر مصدق ملک ءَ ڈی جی پاکستان میری ٹائم سیکورٹی ایجنسی ءَ گوں گند ءُ نند کت، دریائی چاگرد ءِ رکھینگ ءِ تہ ءَ کمک ءِ بابت ءَ گپ ءُ تران

اسلام آباد۔26نومبر  (اے پی پی): موسمیاتی بدلی ءُ چاگردی رکھینگ ءِ وفاقی وزیر ڈاکٹر مصدق ملک ءَ ڈائریکٹر جنرل پاکستان میری ٹائم سیکورٹی ایجنسی ءِ ریئر ایڈمرل شہزاد اقبال ءَ گوں گند ءُ نند کتگ ءُ دریائی آلودگی ءِ گر ءُ دار، دریائی زون ءِ رکھینگ ءُ چاگردی کمک ءِ پڑ ءَ وت مہ وتی کمک ءَ را گیش مھکم کنگ ءِ راہ آنی سر ءَ تران کتگ۔ چار شمبے ءِ روچ ءَ موسمیاتی بدلی ءُ چاگردی رکھینگ ءِ وزارت ءِ نیمگ ءَ جاڑی بوتگیں بیان ءِ رد ءَ ریئر ایڈمرل شہزاد اقبال ءَ وفاقی وزیر ءَ را پی ایم ایس اے ءِ برجاھیں گامگیج آنی بابت ءَ سرپدی داتگ ایشی ءِ تہ ءَ ویسل مانیٹرنگ سسٹم ھم ھوار اِنت کہ اے یک ھاسیں منصوبگ اِنت کہ ایشی ءَ چہ دریائی نگرانی ءُ پائیدار ماہی گیری ءَ را گہتر کنگ ءَ کمک رسیت۔ آئی ءَ پی ایم ایس اے ءِ بنیاتی کار آنی سر ءَ ھم زور پر دات، ایشی ءِ تہ ءَ ناجائزیں ماھی گیری ءِ گر ءُ دار، پٹ ءُ پول ءُ ریسکیو آپریشن، بین وزارتی ھمگرنچی، دریائی سیمسر آنی سر ءَ نگرانی ءُ پاکستان ءِ سیکنڈری نیول فورس ءِ بستار ءَ کار کنگ ھوار اِنت۔ ڈائریکٹر جنرل ءَ وفاقی وزیر ءَ را 9دسمبر ءَ چہ 11دسمبر ءَ مجوزہ ایکسرسائز باراکوڈا ءَ بہر زورگ ءِ دعوت دات کہ اے تیل ءِ رچگ ءِ ھلاپ ءَ جنگ، دریائی آلودگی ءِ انتظام ءُ دریائی پٹ ءُ پول ءُ ریسکیو ءِ راجی صلاحیت آناں گیش کنگ ءِ واستہ سک باز المی زانگ بیت۔ گند ءُ نند ءَ دریا ءَ ردی ءِ ڈمپنگ ءِ گیش بوھوکیں جیڈھ ءُ ایشی ءِ دریائی چاگرد، ماہی گیری ءُ پاکستان ءِ برآمداتی شوبگ ءِ سر ءَ ایشی ءِ سنگینیں اثر آنی سر ءَ سرجمیں رنگ ءَ ھیال آنی تبادلہ کنگ بوتگ۔ اے موہ ءِ سر ءَ وفاقی وزیر ڈاکٹر مصدق ملک ءَ پاکستان ءِ سمندر آنی رکھینگ، چاگردی سلامتی ءَ را مھکم کنگ ءُ موسمیاتی سمارٹ میری ٹائم گورننس ءِ دیمروئی ءِ واستہ پی ایم ایس اے ءِ گوما نزیکیں کمک ءَ را برجاہ دارگ ءِ وتی عزم ءِ یک رند ءَ پدر کت۔ ڈاکٹر مصدق ملک ءَ پاکستان ءِ دریائی سیم سر آنی رکھینگ ءِ تہ ءَ پی ایم ایس اے ءِ کرد ءِ توسیپ کنان ءَ اے گپ ءِ سر ءَ زور پر دات کہ ایوک ءَ وفاقی ادارگ آنی نیام ءَ یکجاھیں کوشست آنی وسیلگ ءَ دریائی وسیلگ آنی دراجیں مدت ءِ رکھینگ ءُ برجائی ءَ را دل یکیمی کنگ بیت۔