امارات ءِ سفیر سالم محمد سالم الزعبی ءَ راجی اسمبلی ءِ اسپیکر سردار ایاز صادق ءَ گوں گند ءُ نند

اسلام آباد۔26نومبر  (اے پی پی): امارات ءِ سفیر سالم محمد سالم الزعبی ءَ چار شمبے ءِ روچ ءَ راجی اسمبلی ءِ اسپیکر سردار ایاز صادق ءَ گوں گند ءُ نند کتگ ءُ دو نیمگی سیادی ءِ پڑ ءَ وت مہ وتی دلچسپی ءِ جیڈھ آنی سر ءَ ھیال ءُ لیکہ آنی درشان کتگ۔ اے موہ ءِ سر ءَ اسپیکر سردار ایاز صادق ءَ گوشت کہ پاکستان ءُ امارات نزیکیں براتیں اسلامی ملک اَنت۔ پاکستان امارات ءِ گوما وتی براتی سیادی ءَ را ارزشت دنت۔ پاکستان امارات ءَ نندوکیں پاکستانی کمیونٹی ءِ وشیں مہمان داری ءِ پد ءَ امارات ءِ منت وار انت۔ پارلیمانی کمک ءَ گوں دو نیمگی سیادی ءَ را گیش مھکم کنگ بیت۔ آئی ءَ گوشت کہ دوئیں ملک آنی یکجائی نفاد پڑ ءِ تہ ءَ استحکام ءِ ضمانت انت۔ اے موہ ءِ سر ءَ امارات ءِ سفیر ءَ گوشت کہ پاکستان مئے واستہ سک شرپ مند ءُ نزیکیں ملک انت۔ دوئیں ملک آنی نیام ءَ سیادی ءِ بنیات ءَ گہتریں ءُ وت مہ وتی بھروسہ ءِ سر ءَ انت۔ پاکستانی مہاجرین امارات ءِ دیمروئی ءِ تہا مزنیں کردے پیلو کنگ ءَ انت۔ گند ءُ نند ءَ تجارت، سرمایہ کاری، ءُ مردمی قوت ءِ پڑ ءَ کمک ءَ را گیش کنگ ءِ سر ءَ گپ ءُ تران کنگ بیت۔