سی پیک ءِ اولی بھر سوبمندیں رنگے ءَ سرجم کنگ بوتگ، پاکستان ءِ اقتصادی دیمروئی ءِ ثابت کنگ ءِ ھاترا دومی بھر

اسلام آباد۔26نومبر  (اے پی پی): چین پاکستان اقتصادی راہداری ءِ اولی بھر ءِ کامیابی ءَ گوں سرجمی پاکستان ءُ چین ءِ نیام ءَ مھکمیں اسٹریٹجک سیادی ءِ نوکیں درور جوڑ بوتگ۔ اولی بھر ءِ ساھت ءَ 43 منصوبگ آنی سرجمی ءَ چہ ایشی ءِ سر ءَ 25ارب ڈالر ءِ سرمایہ کاری کنگ بوتگ ایشی ءَ چہ نہ ایوک ءَ پاکستان ءِ بنیاتی ڈھانچگ ءَ مزنیں بدلی یے اتکگ بلکیں دمگ ءَ اقتصادی کاروائی آناں دیمروئی دیگ ءَ ھم ھاسیں کرد پیلو کتگ۔ سی پیک ءِ اولی بھر ءَ توان ءِ شوبگ ءِ سر ءَ ھاسیں دلگوشی دیگ بوت۔ توانائی ءِ جتا جتائیں منصوبگ آنی وسیلگ ءَ 8800میگاواٹ بجلی راجی گرڈ ءَ گیش کنگ بوتگ ایشی ءَ چہ ملک ءَ توانائی ءِ بحران ءَ را مزنیں کساسے ءَ کمی اتکگ کہ گوستگیں بازیں سال آنی تہ ءَ برجاہ بوتگ۔ سڑک ءِ نیٹ ورک، پُل ءُ دگہ ٹرانسپورٹ منصوبگ آنی سرجمی ءَ چہ تجارت ءَ را گہتری اتکگ ءُ کاروباری کار آنی واستہ نوکیں راہ پچ بوتگ انت۔ واکدارانی گشگ ءِ رد ءَ اے درستیں کار دوئیں ملکانی یکجائی کوشست، شپ ءُ روچ ھزاراں انجینئر ءُ کارکنانی محنت ءُ دو نیمگی مھکمیں کمک ءِ آسر اَنت۔ سی پیک ءِ دومی بھر ءَ را پاکستان ءِ اقتصادی ءُ چاگردی دیمروئی ءِ واستہ سک باز المی گشگ بوھگ ءَ انت ۔ اے پڑ ءَ ھاسیں اقتصادی زون آنی دیمروئی ءِ سر ءَ ھاسیں دلگوشی دیگ بوھگ ءَ اِنت ایشی ءِ وسیلگ ءَ ملکی ءُ درملکی سرمایہ کاری ءِ تہ ءَ مزنیں کساسے ءَ گیشی ءِ گمان اِنت ءُ لاکھوں روزگار ءِ موہ پیداک بوھگ ءِ گمان اِنت۔ زرعی شوبگ ءِ تہ ءَ کمک ھم دومی بھر ءِ یک ھاسیں بھرے ۔ نوکیں ٹیکنالوجی، مشینری ءُ چیک ماہرین ءِ کمک ءَ پاکستان ءِ کشت ءُ کشاری توان ءَ را گیش کنگ ءُ فوڈ سیکیورٹی ءَ را دل یکیمی کنگ ءِ واستہ گامگیج چست کنگ بیت۔ ایشی ءِ گوما صنعت آنی تہ ءَ نوکیں ٹیکنالوجی ءِ ٹرانسفر ءُ نوکیں تربیتی اسکیم آنی وسیلگ ءَ پاکستانی ورنا آنی واستہ مہارت ءِ دیمروئی ءِ نوکیں راہ پچ بنت۔ پی ایچ ای پی ءِ چیر دستی ءَ گرین انرجی ءُ چاگرد ءِ رکھینگ ءِ منصوبگ آناں ھم مرکزی ارزشت دیگ بوھگ ءَ انت تانکہ پاکستان ءِ توانائی ءِ نظام ءَ را پائیدار ءُ چاگرد دوست جوڑ کنگ بہ بیت۔ ایشانی ھوار ءَ جان سلامتی، وانگ ءُ زانگ ءُ بنیاتی ڈھانچہ ءِ آسراتی آنی تہ ءَ چاگردی دیمروئی ءِ منصوبگ پدمنتگیں دمگ آنی تہ ءَ زند ءِ کوالٹی ءَ را گہتر کنگ ءَ کمک کنت۔ سی پیک ءِ دومی بھر ءِ بنگیج ءَ چہ پاکستان ءُ چین ءِ نیام ءَ اقتصادی کمک ءَ را گیش مھکم کنگ ءُ ملک ءَ اقتصادی ءُ چاگردی دیمروئی ءِ واستہ نوکیں دروازگ پچ بنت۔ دومی بھر ءَ اے شوبگ آناں اولیت دیگ بوھگ ءَ اِنت: ھاسیں اقتصادی زون آنی دیمروئی ءَ چہ ملکی ءُ درملکی سرمایہ کاری، صنعتی دیمروئی ءَ را گیش کنگ ءُ ھزاراں روزگار ءِ موہ پیداک کنگ بیت۔ زرعی پیداوار ءِ تہا گیشی بیت ءُ ہنرمندیں ماہرین، نوکیں مشینری ءُ نوکیں رپک ءِ وسیلگ ءَ فوڈ سیکیورٹی ءَ را دل یکیمی کنگ بیت۔ نوکیں صنعتی ٹیکنالوجی ءَ چہ پاکستان ءِ صنعتی، مینوفیکچرنگ ءُ آئی ٹی ءِ شوبگ ءَ انقلاب کیت۔ ورنا آنی تربیت ءُ وانگ ءُ زانگ ءِ پروگرام پاکستانی ورنا آنی نوکیں صنعتی ءُ فنی شوبگ آنی واستہ تیار کنگ بنت۔ نوکیں قابل تجدید توانائی ءِ منصوبگ ءُ چاگردی گامگیج پاکستان ءِ چاگرد ءَ را ایمن ءُ پیداواری جوڑ کن اَنت۔ پجارینگ آسراتی بهداشتی و درمانی، وانگ ءُ زانگ ءُ بنیاتی ڈھانچہ ءَ چہ پد منتگیں دمگ آنی مردم آنی زند ءِ کوالٹی گہتر بیت۔ ماہرین ءِ رد ءَ سی پیک ءِ دومی بھر ءَ چہ نہ ایوک ءَ پاکستان ءِ صنعتی بنجاہ مھکم بیت بلکینگ ءَ دمگی تجارتی سیادی ءِ واستہ نوکیں دروازگ ھم پچ بنت، برآمدات ءِ تہ ءَ گیشی ءُ سرجمیں اقتصادی دیمروئی بیت۔