اسپیکر قومی اسمبلی سردار ایاز صادق تون متحدہ عرب امارات نا سفیر سالم محمد سالم الزعابی نا اوڑدہی

اسلام آباد۔ 26 نومبر (اے پی پی) اسپیکر قومی اسمبلی سردار ایاز صادق تون متحدہ عرب امارات نا سفیر سالم محمد سالم الزعابی چارشنبے نادے آ اوڑدہی کرے ہراٹی ہڑتوم آ کنڈآتا تعلقداری تون اوار تین پہ تینی است خواہی نا امور آ گپ وتران کننگا۔ داوخت آ اسپیکر سردار ایاز صادق پارے کہ پاکستان ومتحدہ عرب امارات خڑکی ایلم اسلامی ملک ءُ۔ پاکستان امارات تون ایلمی تعلقداری تے قدر انا نظر اٹ ہرک۔ یواے ای ٹی رہینگوک پاکستانی کمیونٹی ناشاندار مہمانداری آ پاکستان امارات نا منت وار ءِ۔ پارلیمانی کمکاری آن ہڑتوم آ کنڈآتا رابطہ پین سوگو مریک۔ اوپارے کہ ہڑتوم آملک آتا اسیجائی فائدہ ڈیہہ اٹی سوگوی نا ضامن ءِ۔ داوخت آ متحدہ عرب امارات نا سفیر پارے کہ پاکستان ننکن بے کچ شرف و خڑکی ملک ءِ۔ ہڑتوم آ ملک آتا تعلقداری تاریخی وتین پہ تینی پت آ تالان ءِ۔ پاکستان پردیسیک یواے ای نا شونداری ٹی اہم کڑد ادا کننگ ءُ۔ اوڑدہی ٹی واپار، زرکاری و افرادی قوت نا بشخ آتیٹی کمکاری ءِ ودفنگ آ امنا کننگا۔