اسلام آباد۔ 26 نومبر (اے پی پی) وزیراعظم محمد شہباز شریف بحرین نا اِرادے ئی دورہ غا روانہ مس۔ چارشنبے نادے آ پی ایم آفس نا میڈیا ونگ آن جاری بیان نا رداٹ وزیراعظم محمد شہباز شریف 26 آن 27 نومبر اسکان بحرین نا سرکاری دورہ ءِ کیک، اونا ڈل اٹی نائب وزیراعظم و وزیرخارجہ سینیٹر محمد اسحاق ڈار ، بنجائی وزیر آک و سینئر آفیسر آک ہم اوار …
وزیراعظم محمد شہباز شریف بحرین نا اِرادے ئی دورہ غا روانہ
گیشتریں ھال
اسلام آباد۔ 26 نومبر (اے پی پی) وزیراعظم محمد شہباز شریف بحرین نا اِرادے ئی دورہ غا روانہ مس۔ چارشنبے نادے آ پی ایم آفس نا میڈیا ونگ آن جاری بیان نا رداٹ وزیراعظم محمد شہباز شریف 26 آن 27 نومبر اسکان بحرین نا سرکاری دورہ ءِ کیک، اونا ڈل اٹی نائب وزیراعظم و وزیرخارجہ سینیٹر محمد اسحاق ڈار ، بنجائی وزیر آک و سینئر آفیسر آک ہم اوار ءُ۔ دورہ ٹی وزیراعظم محمد شہباز شریف بحرین نا بادشاہ حمد بن عیسیٰ الخلیفہ ، ولی عہد و وزیراعظم شہزادہ سلمان بن حمد الخلیفہ و بحرین نا نائب وزیراعظم شیخ خالد بن عبداللہ الخلیفہ تون بڑزکو کہول انا اوڑدہی کیک۔ دا سرکاری دورہ مملکت بحرین تون پاکستان نا متکن آ خوشگوار تعلقداری تا پیدواری ءِ کیک ہرانا مسخت ہڑتوم آ ملک آتا نیام اٹ نتیجہ غاتیا تالان و تزویراتی شریداری ءِ مون آ دننگ ءِ۔ دادورہ غان روایتی وڑاٹ گرم جوشی و خوشگوار تعلقداری تے سوگوی ملک، شریداری نا پوسکن ءُ کسر متعین مریک و الس تون الس نا رابطہ غاتے زیات کننگک ہرا تین پہ تینی وڑاٹ فائدہ مند کمکاری ٹی بشخ شاغرہ۔
