مزن وزیر محمد شہباز شریف 26 ءَ بگر داں 27 نومبر ءَ بحرین ءِ بادشاہی ءِ سرکاری تر ءُ تاب ءَ کنت، درئی کارانی کارگس

اسلام آباد۔ 25نومبر (اے پی پی): مزن وزیر محمد شہباز شریف 26 ءَ بگر داں 27 نومبر ءَ بحرین ءِ بادشاہی ءِ سرکاری تر ءُُ تاب ءَ کنت۔اے تر ءُ تاب دوئیں براتیں ملک آنی نیام ءَ دیریں ءُُ سرجمیں رنگ ءَ سیادی آنی نوک کنگ ءُُ گیش مھکم کنگ ءِ عکس انت۔ مزن وزیر ءِ ھمراھی ءَ مزن تک ءِ ڈل ھم ھوار بیت، ایشی ءِ تہ ءَ نائب مزن وزیر ءُ درئی کارانی وزیر سینیٹر محمد اسحاق ڈار، وفاقی وزیر ءُ مزنیں کارندہ ھوار بنت۔ سئے شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ مزن وزیر تر ءُُ تاب ءِ ساھت ءَ بحرین ءِ سروکی ءَ گوں مزن تک ءِ گند ءُ نند کنت، ایشی ءِ تہ ءَ تجارت، سرمایہ کاری، توان، ٹیکنالوجی، وانگ ءُ زانگ ءُ دود ءُُ ربیدگ ءِ شوبگ ءَ دو نیمگی کمک ءَ را گیش دیمروئی دیگ ءِ واستہ گپ ءُ تران کنگ بیت۔ اے تر ءُُ تاب ءَ چہ پاکستان ءُ بحرین ءِ نیام ءَ روایتی رنگ ءَ گرم ءُ دوستی ءِ سیادی گیش مھکم بنت، شریکداری ءِ نوکیں موہ آنی پجارینگ ءُ مردم آنی نیام ءَ رابطہ آناں گیش گہتر کنگ بیت، ایشی ءَ چہ اے سرکاری تر ءُُ تاب بحرین ءِ بادشاہی ءِ گوما پاکستان ءِ برجاھیں سفارتی سیادی ءِ درشان اِنت ءُُ پاکستان ءِ یک پائدگ مندیں دو ملک آنی نیام ءَ یک پائدگ مندیں شریکداری ءِ دیمروئی ءِ واستہ پاکستان ءِ جزم ءِ درشان اِنت۔