مزن وزیر محمد شہباز شریف ءَ راجی اسمبلی ءِ نوک گچین بوتگیں باسک بابر نواز،بلال فاروق تارڑ،بلال بدر،راجا دانیال،حافظ نعمان، چوہدری طفیل جٹ  ءُ محمود قادر ءَ گوں گند ءُ نند

اسلام آباد۔25نومبر  (اے پی پی):مزن وزیر محمد شہباز شریف ءَ گوں راجی اسمبلی ءِ نوک گچین بوتگیں باسک بابر نواز، بلال فاروق تارڑ، بلال بدار، راجا دانیال، حافظ نعمان، چوہدری طفیل جت ءُ محمود قادر ءَ گند ءُ نند کت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ راجی اسمبلی ءِ نوک گچین بوتگیں باسک آناں ضمنی گچین کاری ءَ کامیابی ءِ پد ءَ مبارک بات داتگ ءُ آوانی واستہ نیکیں واھگ آنی درشان کتگ۔ مزن وزیر ءَ گوشت کہ ضمنی گچین کاری ءَ ن لیگ ءِ اُمیت وار آنی سوبمندی قائد میان محمد نواز شریف ءِ وژن، آئی ءِ بے دروریں سروکی ءُ پارٹی کارکن آنی محنت ءَ چہ بوتگ۔ اے سوبمندی صوبہ ءِ الس ءِ وشھالی ءُ دیمروئی ءِ واستہ پنجاب ءِ سر وزیر مریم نواز ءِ کوشست آنی سر ءَ الس ءِ بھروسہ ءِ درشان اِنت۔ مزن وزیر ءَ اے امیت ءِ درشان کت کہ قومی اسمبلی ءِ نوک گچین بوتگیں باسک وتی حلقہ ءِ الس ءِ گہبود ءِ واستہ دل ءِ جہلانکی ءَ کار کن انت۔ پاکستان ءِ دیمروئی ءُ وشھالی ءُ راج ءِ گہبود ءِ ھوالگ ءَ کانود سازی ءِ تہ ءَ سرجمی ءَ بھر زور اَنت ءُ وتی ھاسیں کرد ءَ پیلو کن اَنت۔ گند ءُ نند ءِ تہ ءَ نائب مزن وزیر ءُ درئی کارانی وزیر اسحاق ڈار، منصوبگ بندی ءِ وفاقی وزیر احسن اقبال، اھوالکاری ءُ شنگکاری ءِ وفاقی وزیر عطا اللہ تارڑ، بجلی ءِ بہر ءُ بانگ ءِ وفاقی وزیر سردار اویس خان لغاری ھم ھوار بوتگ اَنت۔