مزن وزیر محمد شہباز شریف ءَ آذربائیجان ءِ معیشت ءِ وزیر مائیکل جباروف ءَ گوں گند ءُ نند کتگ ءُ اقتصادی کمک ءَ را گیش مھکم کنگ ءِ واستہ کوشست آناں گیش مھکم کنگ ءِ ضلورت ءِ سر ءَ زور پر داتگ

اسلام آباد۔25نومبر  (اے پی پی):اقتصادی کمک ءَ را گیش مھکم کنگ ءِ واستہ کوشست آناں گیش مھکم کنگ ءِ ضلورت ءِ سر ءَ زور پر دیان ءَ پاکستان ءُ آذربائیجان ءَ دفاعی پیداوار، پٹرولیم، معدنیات، تعمیراتی، لائیو سٹاک، سیل ءُ سواد ءُ آئی ٹی ءِ تہ ءَ گیش کمک ءِ موہ آنی سر ءَ چار ءُ تپاسی کتگ وھدیکہ مزن وزیر شیرف محمد باہمی مفاد ءِ درستیں پڑاں آذربائیجان ءِ گوما شریکداری ءَ را گیش گہتر کنگ ءِ جزم۔ مزن وزیر محمد شہباز شریف ءَ سئے شمبے ءِ روچ ءَ مزن وزیر گس ءَ آذربائیجان ءِ معیشت ءِ وزیر مائیکل جباروف ءَ گوں گند ءُ نند کت۔ آذربائیجان ءِ معیشت ءِ وزیر ڈل ءِ گوما پاکستان ءِ سرکاری تر ءُ تاب ءَ انت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ گند ءُ نند ءَ دو نیمگی تجارتی ءُ سرمایہ کاری کمک ءِ مزنیں پڑ ءَ چار ءُ تپاسی کنگ بوتگ۔ دو نیمگی تجارت ءِ تہ ءَ برجاھیں دیمروئی ءِ ستا ءَ کنان ءَ دوئیں نیمگ ءَ اقتصادی تبادلہ آناں دیمروئی دیگ ءِ واستہ کوشست آناں گیش کنگ ءِ ضلورت ءِ سر ءَ تپاک کت۔ ایشانی تہ ءَ دفاعی پیداوار، پٹرولیم ءُ معدنیات، جوڑیشت، لائیو سٹاک، سیل ءُ سواد ءُ آئی ٹی ءَ ھواریں شوبگ آنی تہ ءَ گیش کمک ءِ واستہ موہ آناں شوھازگ ءِ سر ءَ ھم تران کت۔ مزن وزیر ءَ پاکستان ءُ آذربائیجان ءِ یکجائی سرمایہ کاری کمپنی ءِ جوڑ کنگ ءِ پاکستان ءِ تجویز ءِ سر ءَ پدا زور دات کہ ایشی ءِ تہ ءَ دوئیں ملک آنی یک وڑیں بھر زوری بہ بیت۔ آئی ءَ وائٹ آئل پائپ لائن پروجیکٹ ءِ تہ ءَ آذربائیجان ءِ دلگوشی ءِ ھم توسیپ کت ءُ آذربائیجان ءِ کمپنی سوکار ءَ را پاکستان ءِ تیل ءُ گیس ءِ شوبگ آنی تہ ءَ سرمایہ کاری ءِ واستہ دلبڈی دات۔ دوئیں نیمگ ءَ دمگی رابطہ ءَ را گیش کنگ ءِ ارزشت ءِ سر ءَ زور پر دات۔ مزن وزیر ءَ اوگانستان ءُ میاں اوستمانی ایشیا ءِ کسانیں راہ ءِ رنگ ءَ پاکستان ءِ اسٹریٹجک جاہ ءِ سر ءَ زور پر دات ءُ ٹرانس کیسپین انٹرنیشنل ٹریڈ کوریڈور ءِ وڑیں گامگیج آنی تہ ءَ آذربائیجان ءِ ھاسیں کرد ءِ ساڑات۔ مزن وزیر ءَ آذربائیجان ءِ صدر الہام علیوف ءَ را پاکستان ءِ سرکاری تر ءُ تاب ءِ دعوت ھم داتگ۔ مزن وزیر ءَ آذربائیجان ءِ گوما وت مہ وتی مفاد ءِ درستیں پڑ آنی تہ ءَ وتی شریکداری ءَ را گیش گہتر کنگ ءِ واستہ پاکستان ءِ بے مٹیں جزم ءِ سر ءَ زور پر دات۔ آذربائیجان ءِ وزیر معیشت ءَ پاکستان ءِ تر ءُ تاب ءِ ساھت ءَ پاکستان ءِ حکومت ءِ مہمانداری ءِ منت گپت ءُ امیت درشان کت کہ پاکستان ءُ آذربائیجان ءِ نیام ءَ جاری جوانیں دیمروئی ءِ سبب ءَ تجارت، معیشت، صنعت ءُ سرمایہ کاری ءِ پڑ ءَ کمک ءِ روڈ میپ 2028-2020 ءَ را گڈی رنگ ءَ دیگ بیت۔ گند ءُ نند ءَ نائب مزن وزیر ءُ درئی کارانی وزیر اسحاق ڈار، وفاقی وزیر بجلی ءِ بہر ءُ بانگ سردار اویس خان لغاری، مزن وزیر ءِ ھاسیں کمکار طارق فاطمی ءُ سیادی داروکیں مزنیں سرکاری کارندہ آں ھم بھر زوری کت۔