کمانڈر  ریئر ایڈمرل محمد معین الحسن ، کمانڈر بنگلہ دیش نیوی ءِ سروکی ءَ ڈل ءَ بنگلہ دیش ءِ بحریہ ءِ سروک ایڈمرل نوید اشرف ءَ گوں گند ءُ نند کتگ

اسلام آباد۔25نومبر  (اے پی پی):بنگلہ دیش ءِ بحریہ ءِ ڈل ءَ کمانڈر چٹاگانگ (COMCHIT) ریئر ایڈمرل محمد معین حسن ءِ سروکی ءَ بحریہ ءِ ہیڈ کوارٹر اسلام آباد ءِ تر ءُ تاب کتگ ءُ برجاھیں دو نیمگی بحریہ ءِ کارروائی آنی تہ ءَ بوتگ۔ پاک بحریہ ءِ جارکش ءِ رد ءَ تر ءُ تاب ءِ وھد ءَ ڈل ءِ سروک ریئر ایڈمرل محمد معینالحسن ءَ پاک بحریہ ءِ سروک ایڈمرل نوید اشرف ءَ گوں گند ءُ نند کتگ ۔ گند ءُ نند ءِ تہ ءَ وت مہ وتی پیشہ وارانہ دلچسپی ءِ جیڈھ آنی سر ءَ گپ ءُ تران کنگ بوت، ایشی ءِ تہ ءَ دو نیمگی بحری کمک ءَ را گیش مھکم کنگ ءُ دمگی ایمنی ءِ میکانزم ءَ را مھکم کنگ ھوار اِنت۔ دوئیں مہمان آناں آپریشنل رابطہ آناں گیش کنگ، زانتکاری ءِ تبادلہ ءَ را گیش کنگ ءُ دوئیں بحریہ آنی نیام ءَ اسٹریٹجک کمک ءِ نوکیں جہت آنی پٹ ءُ پول کنگ ءِ واستہ وتی یکجائی جزم ءِ درشان کت۔ بنگلہ دیش بحریہ ءِ ڈل ءِ تر ءُ تاب دوئیں بحریہ آنی نیام ءَ برجاھیں سیادی ءِ نشانی اِنت ءُ پیشہ وارانہ ھوار بوھگ ءَ را گیش کنگ، آپریشنل یکوئی ءَ را گیش کنگ ءُ دمگی سمندری امن ءُ ایمنی ءِ واستہ یکجائی کرد ءِ پیلو کنگ ءِ واستہ وتی یکوئی جزم ءِ درشان اِنت۔