اھوالکارانی جیڈھ آنی گیواری ءِ درگت ءَ اھوالکار ءُ رسانکدر ءِ پیشہ ور آنی رکھینگ ءِ کمیشن ءَ وتی یک شلی کار بندات کتگ

اسلام آباد۔25نومبر  (اے پی پی):اھوالکار ءُ رسانکدر ءِ پیشہ ور آنی رکھینگ ءِ کمیشن ءَ وتی یک شلی کار بندات کتگ۔ اے کمیشن حکومت پاکستان ءِ نیمگ ءَ اھوالکار آنی جیڈھ آنی گیواری ءِ درگت ءَ یک ھاسیں گامگیج اِنت۔ اھوالکار ءُ رسانکدر ءِ پیشہ ور آنی رکھینگ ءِ کمیشن ءِ نیمگ ءَ جاڑی بوتگیں بیان ءِ رد ءَ کمیشن ءِ باسک آنی نوٹیفکیشن وفاقی وزیر ءِ اھوالکاری عطا اللہ تارڑ ءِ ذاتی کوشست آنی گوما جاری کنگ بوتگ ایشی ءَ پد کمیشن ءِ اولی یک شلی دیوان کمال الدین ٹیپو ءِ سروکی ءَ برجم دارگ بوتگ۔ اے کمیشن حکومت پاکستان ءِ نیمگ ءَ چہ میاں اوستمانی معیار ءُ جوانیں میاں اوستمانی کارروائی آناں ھیال ءَ دارگ ءَ جوڑ کنگ بوتگ۔ صحافی آنی آزاد ءُ وت مہ وتی کار ءَ را دل یکیمی کنگ کمیشن ءِ روح اِنت۔ کمیشن اھوالکار آنی رکھینگ ءِ ھوالگ ءَ آزات ءُ شفافیں رنگ ءَ کار کنت۔ کمیشن ءَ شکایتانی نظام جوڑ کتگ، وھدے کہ کمیشن ءِ رھبند ءُ رھبند جوڑ کنگ ءِ ھاترا کمیٹی ھم جوڑ کنگ بوتگ۔ کمیشن ڈیجیٹلائزیشن ءِ وسیلگ ءَ ویب پورٹل ءُ نوکیں رھبنداں وتی کنت، وھدیکہ ٹریننگ ءُ سیمینار ھم برجم دارگ بیت۔ کمیشن ءِ دیوان ءَ پرنسپل انفارمیشن آفیسر ءُ ڈی جی انسانی حقانی کمیشن، بورڈ ءِ باسک نواز رضا، خلیل احمد، طاہر حسن، نوید اکبر، حسن عباس، تمسیلا قریشی ءُ نادیہ صبوہی ءَ سرجمیں ملک ءِ مرکزی نمائندہ صحافی تنظیم آنی بھر زوری کتگ۔