جناح میڈیکل کمپلیکس ءُ ڈینش یونیورسٹی ءِ منصوبگ آنی سرجمی ءَ شفافیت ءَ را دل یکیمی کنگ بہ بیت، دیمروئی ءِ عمل ءَ نوکیں ٹیکنالوجی کارمرد کنگ بہ بیت، مزن وزیر محمد شہباز شریف

اسلام آباد۔25نومبر  (اے پی پی):مزن وزیر محمد شہباز شریف ءَ وفاقی دارالحکومت ءَ جناح میڈیکل کمپلیکس ءُ ڈینش یونیورسٹی ءِ منصوبگ آنی سرجمی ءِ تہ ءَ شفافیت ءَ را دل یکیمی کنگ ءِ ہدایت کتگ ءُ گوشت کہ جوڑیشت ءِ کار آنی واستہ شریں کوالٹی ءِ کمپنی آنی سروسز زورگ بہ بنت، ادائیگی ءِ پد ءَ تھرڈ پارٹی ویٹیم ءِ تصدیق کنگ بہ بیت۔ کہ ہچ بزگر زبھر نہ بیت ءُ ہچ نا بزگر  سوبمند نہ بیت، ایشی ءِ تہا سیاست نہ بیت۔ اے ھیالانی درشانی آئی ءَ سئے شمبے ءِ روچ ءَ جناح میڈیکل کمپلیکس ءُ ڈینش یونیورسٹی ءِ سائٹ آنی تر ءُ تاب ءِ موہ ءَ کت۔ اے موہ ءِ سر ءَ وزیر دفاع خواجہ محمد آصف، بجلی ءِ وفاقی وزیر سردار اویس احمد خان لگاری، پٹرولیم ءِ وفاقی وزیر علی پرویز ملک، اھوالکاری ءُ نشریات ءِ وفاقی وزیر عطا اللہ تارڑ ھم ساڑی ات۔ مزن وزیر ءَ را دوئیں منصوبگ آنی جوڑیشت ءِ ھوالگ ءَ جتاجتائیں جیڈھ آنی سر ءَ سرپد کنگ بوت۔ مزن وزیر ءَ گوشت کہ جوڑیشت ءِ کار آنی واستہ جوانیں کوالٹی ءِ کمپنی آنی سروسز زورگ بہ بنت، ایشی ءِ واستہ پری کوالیفکیشن بہ بیت، تھرڈ پارٹی ءِ تصدیق ءَ پد ادائیگی کنگ بہ بیت، ادائیگی ءِ وھد ءَ ھما مردم کہ چہ آھاں زمین زورگ بوتگ آھاں گوں بدسلوکی کنگ مہ بیت، ایشی ءَ را ھم گوگل ءِ کارمردی ءَ گوں نقشہ کنگ بہ بیت تانکہ ھچ وڑیں حقداریں مردم نہ بہ بیت  ۔ آئی ءَ گوشت کہ ایشی ءِ تہ ءَ ھچ وڑیں سیاست نہ بیت، سرجمیں کارروائی سپان ءُ منصفانہ رنگ ءَ سرجم کنگ بہ بیت۔ مزن وزیر ءَ ہدایت کت کہ اے منصوبگ وفاقی وزیر برائے بجلی ءِ بہر ءُ بانگ ءُ وفاقی وزیر پٹرولیم ءِ نگرانی ءَ سرجم کنگ بہ بیت ءُ آ ذاتی نگرانی ءَ بہ کنت۔ مزن وزیر ءَ گوشت کہ جناح میڈیکل کمپلیکس ءُ ڈینش یونیورسٹی ءِ انتظامی ءَ ھوار توامیں معاملہ آناں ڈیجیٹل کنگ بہ بیت ءُ جھان ءِ درجہ ءِ پیپر لیس ءُ چہرہ لیس ءِ نظام بہ بیت۔ دیمروئی ءِ عمل ءَ جدید ٹیکنالوجی ءَ را کارمرد کنگ بہ بیت، سڑک آنی جوڑیشت ءَ کوالٹی ءِ کار ءَ را دل یکیمی کنگ بہ بیت ءُ ایشی ءِ تہ ءَ باغبانی ءِ واستہ یک منصوبگ ءِ ھم ھوار کنگ بہ بیت۔ ایشی ءَ چہ پیسر چیئرمین سی ڈی اے ءَ مزن وزیر ءَ را بریفنگ دیان ءَ گوشت کہ پی سی ون ءِ تیاری ءَ چہ ماہرین آنی گوما شور ءُ سلاھ کنگ بوتگ، ایچ 16 ءِ شوبگ ادارگی شوبگ اِنت، سری نگر ہائی وے ءِ گوما اے شوبگ ءَ جناح میڈیکل کمپلیکس ءُ ڈینش یونیورسٹی ءِ دو مزنیں منصوبگ سرجم کنگ بوھگ ءَ اَنت۔ جناح میڈیکل کمپلیکس ءِ واستہ 600 کنال ءُ ڈینش یونیورسٹی ءِ واستہ 800 کنال زمین ءِ ھرچ ءُ درچ کنگ بوتگ، ایشی ءِ ھمراھی ءَ 200 کنال کمرشل سیکٹر ءِ واستہ ھم داتگ، ایشی ءَ ابید ادا اسلام آباد ماڈرن جیل ءِ منصوبگ ھم سرجم کنگ بوھگ ءَ اِنت۔ آئی ءَ گوشت کہ این ایچ اے سری نگر ہائی وے انٹرچینج ءِ جوڑیشت ءِ واستہ کار کنگ ءَ انت، آپ ءِ پھجاری ءِ واستہ ھم کار بندات بوتگ، دو ماہ ءَ اے کار سرجم بیت۔ مزن وزیر ءَ را گوشت کہ جناح میڈیکل کمپلیکس ءُ ڈینش یونیورسٹی ءَ بجلی، گیس ءُ انٹرنیٹ ءِ آسراتی ءِ پجاری منصوبگ تیار کنگ بوتگ، ءُ ٹاور ءُ گرڈ ءِ واستہ جاہ ءِ نشاندہی کنگ بوتگ۔