جوائنٹ چیفس آف اسٹاف کمیٹی ءِ چیئرمین جنرل ساحر شمشاد مرزا ءَ گوں فیلڈ مارشل سید عاصم منیر ءَ برو پہ ھیری دیوان ءِ درشانی

راولپنڈی۔25نومبر  (اے پی پی):چیئرمین جوائنٹ چیفس آف اسٹاف کمیٹی جنرل ساحر شمشاد مرزا ءَ پاک فوج ءِ جنرل ہیڈ کوارٹر ءَ فیلڈ مارشل سید عاصم منیر ءِ گوما برو پہ ھیری دیوان ءِ برجم داشتگ۔ پاکستان ءِ سلاہ بندیں اُرد ءَ را ھزمت کنگ ءَ انت۔ آئی ایس پی آر ءِ رد ءَ آرمی چیف ءَ ٹرائی سروسز ءِ نیام ءَ ھمگرنچی ءَ را مھکم کنگ، یکجائی آپریشنل تیاری ءَ را گہتر کنگ ءُ راجی سلامتی ءِ اسٹریٹجک مول ءُ مراد آناں دیمروئی دیگ ءِ تہ ءَ چیئرمین جوائنٹ چیفس آف اسٹاف کمیٹی ءِ ھاسیں کرد ءَ را ساڑات۔ آرمی چیف ءَ دمگی برجائی، فوجی سفارتکاری ءُ دوستیں ملک آنی گوما پاکستان ءِ سیادی ءَ را گیش مھکم کنگ ءِ واستہ جنرل ساحر شمشاد مرزا ءِ کوشست آناں ھم ساڑات۔ جنرل ساحر شمشاد مرزا ءَ وتی کار ءِ وھد ءَ کمک ءُ بھروسہ ءِ پد ءَ آرمی چیف ءُ پاک سلاہ بندیں اُرد ءِ شگر ءُ منت گپت۔ ایشی ءَ چہ پیسر جی ایچ کیو ءَ سر بوھگ ءَ گوں چیئرمین جوائنٹ چیفس آف اسٹاف کمیٹی ءَ شہید آنی یات ءَ گلدستہ ایر کت ءُ پاک فوج ءِ آرائشی دستہ ءَ آئی ءَ را گارڈ آف آنر دات۔