ریاض۔ 25 نومبر (اے پی پی) بنجائی وزیر داخلہ محسن نقوی تینا دورہ سعودی عرب اٹی سعودی وزیرداخلہ شہزادہ عبدالعزیز بن سعود بن نائف تون اہم اوڑدہی کرے، ہراٹی ہڑتوم آکنڈآتا سیکورٹی کمکاری ءِ پین سوگو کننگ، پولیس و پیراملٹری فورس آتا نیام اٹ ٹریننگ ایکسچینج پروگرام و علاقائی سلامتی نا امور آ سرجمی اٹ گپ وتران کننگا۔ اوڑدہی ٹی برمی(روہنگیا) مسلمان تا لیگل اسٹیٹس نا متکن آ ویل …
بنجائی وزیر داخلہ محسن نقوی نا سعودی وزیر داخلہ شہزادہ عبدالعزیز بن سعود بن نائف تون اہم اوڑدہی
گیشتریں ھال
ریاض۔ 25 نومبر (اے پی پی) بنجائی وزیر داخلہ محسن نقوی تینا دورہ سعودی عرب اٹی سعودی وزیرداخلہ شہزادہ عبدالعزیز بن سعود بن نائف تون اہم اوڑدہی کرے، ہراٹی ہڑتوم آکنڈآتا سیکورٹی کمکاری ءِ پین سوگو کننگ، پولیس و پیراملٹری فورس آتا نیام اٹ ٹریننگ ایکسچینج پروگرام و علاقائی سلامتی نا امور آ سرجمی اٹ گپ وتران کننگا۔ اوڑدہی ٹی برمی(روہنگیا) مسلمان تا لیگل اسٹیٹس نا متکن آ ویل انا ایسری آ ہم گپ وتران مس۔ سعودی وزیر داخلہ دااہم انسانی ویل ءِ تالان کننگ و اونا ایسری کن کوشست آتیا بنجائی وزیر داخلہ محسن نقوی نا منت واری ءِ ہرفے۔ داوخت آ سعودی وزیرداخلہ فیڈرل کانسٹیبلری نا ہیڈ کوارٹر آ جلہو اٹی شہید مروک آ کارندہ غاتا خاہوت آتون ہم ہڑزخواہی نا درشانی ءِ کرے۔ ہڑتوم آملک آتا نیام اٹ وزارت داخلہ نا ورکنگ گروپ نا دیوان بروک آ تُو اڈترفنگ نا ہم فیصلہ ءِ کننگا۔ محسن نقوی پارے کہ سعودی عرب ہر پاکستانی نا ارٹ میکو اُراءِ و نن سعودی عرب تون تینا متکن، سوگو و پائیدار تعلقدار تیا گمر کینہ۔ اوڑدہی ٹی بنجائی سیکرٹری داخلہ محمد خرم آغا، پاکستان نا سفیر احمد فاروق، کمانڈنٹ فیڈرل کانسٹیبلری نذیر گاڑا، کمانڈنٹ نیشنل پولیس اکیڈمی محمد ادریس و سعودی وزارت داخلہ نا بڑزکو کمامدارآک ہم ساڑی ئسر۔
