جی 11 ءِ آمید گس ءَ وت کُشیں اُرش ءِ سیادی  اوگانستان ءَ گوں ملگ ءَ   اِنت، خوارج نور ولی محسود ءَ اسلام آباد ءَ مزنیں تباہی ءِ منصوبہ بندی کتگ، سیکورٹی ادارہاں نیٹ ورک ءِ بے ننگ کتگ، وفاقی وزیر اطلاعات ءُ شنگکاری عطا اللہ تارڑ

اسلام آباد۔25نومبر  (اے پی پی): وفاقی وزیر ءِ ھال ءُ اھوال عطا اللہ تارڑ ءَ گوشت کہ جی 11 آمید گس ءَ وت کُش اُرش ءِ تاک اوگانستان ءِ وڑ ءَ اِنت، ممنوعہ تحریک طالبان پاکستان ءِ سروک خوارج نور ولی محسود ءَ اسلام آباد ءَ مزنیں تباہی ءِ منصوبگ جوڑ کتگ اَت۔ حملہ ءِ فوراً پد سیکورٹی ادارہاں سرجمیں آپریشن ءِ پٹ ءُ پول کتگ ءُ نیٹ ورک ءِ بے ننگ کتگ۔ انٹیلی جنس بیورو ءُ انسداد ناشرکاری ءِ محکمہ ءَ یکجائی آپریشن ءِ ساھت ءَ وت کُش اُرش ءَ ھواریں چار ناشرکار دزگیر کتگ اَنت۔ سئے شمبے ءِ روچ ءَ پی ٹی وی ءِ بنجاہی کارگس ءَ پریس کانفرنس ءَ گوں تران کنان ءَ وفاقی وزیر ءِ اھوالکاری ءَ گوشت کہ 11نومبر ءَ جی 11 اسلام آباد آمید گس ءَ بوتگیں وت کُش اُرش ءِ پٹ ءُ پول ءَ مزنیں پیشرفت بوتگ ءُ اے المی اِنت کہ اے وئیل ءِ مول ءُ مراد ءِ بابت ءَ راستی آناں پیش کنگ بہ بیت۔ وزیر ءِ اھوالکاری ءَ گوشت کہ سیکورٹی ءِ بندوبست جوان بوتگ انت، پمیشکا ناشرکار ھچ وڑیں مزنیں سیکورٹی جاھ ءَ سر نہ بوتگ انت، پمیشکا آیاں اسلام آباد ءِ کش ءُ گوراں چہ دست کپتگیں اولی جاگہ ​​نشانگ جوڑ کتگ۔ آئی ءَ گوشت کہ انٹیلی جنس بیورو ءُ سی ٹی ڈی ءَ وت کُشی اُرش ءِ 48 کلاک ءِ تہ ءَ چار ملزم مزنیں ازمکاری ءِ گوما دزگیر کتگ اَنت ءُ اے آپریشن دوئیں ادارگ آنی یکجائی گامگیج بوتگ۔ آئی ءَ گوشت کہ اُرش ءَ ھواریں عناصر آنی تہ ءَ اولی رند ءَ ساجد اللہ عرف شینا دزگیر کنگ بوتگ، ایشی ءَ پد کامران خان، محمد زلی ءُ شاہ منیر ھم انٹیلی جنس بیورو ءُ سی ٹی ڈی ءَ دزگیر کتگ۔ آئی ءَ گوشت کہ ساجد اللہ عرف شینا ءَ وت کُش تراک آؤرتگ، آ 2015 ءَ تحریک طالبان اوگانستان ءَ ھوار بوتگ ءُ اوگانستان ءِ جتا جتائیں ھیل کاری کیمپ آنی تہ ءَ تربیت کتگ۔ 2023 ءَ آئی ءَ داداللہ نامیں کمانڈرے ءَ گوں گند ءُ نند کت کہ آئی ءِ وسیلہ ءَ اے اُرش ءِ سرجمیں منصوبہ فتنہ الخوارج ٹی ٹی پی ءِ سروک نور اللہ محسود ءَ کتگ ات۔ وفاقی وزیر اھوالکاری ءُ نشریات ءَ گوشت کہ داداللہ باجور ءِ نندوک انت ءُ اے وھد ءَ اوگانستان ءَ انت۔ وت کُشیں اُرش ءِ درگت ءَ ساجد اللہ عرف شینا اگست 2025 ءَ اوگانستان ءَ شتگ ءُ داد اللہ ءَ گوں گند ءُ نند کتگ وھدے کہ دوئیں ایپ ءِ وسیلگ ءَ رابطہ ءَ بوتگ اَنت۔ آئی ءَ گوشت کہ ساجد اللہ ھم 2024 ءَ جلال آباد ءَ شتگ کہ اودا آ داد اللہ ءِ گوما اے آپریشن ءِ منصوبگ بندی ءَ ھوار بوتگ۔ وتی واتر بوھگ ءَ آئی ءَ دو ناشرکار محمد زلی ءُ کامران خان کار ءَ گپتگ اَنت۔ اگست 2025 ءَ ساجد اللہ عرف شینا ءُ محمد زلی یکجاہ اوگانستان ءَ شتگ اَنت کہ داد اللہ ءَ گوں گند ءُ نند بہ کن اَنت ءُ شگال ءِ دمگ ءَ فتنہ الخوارج ءِ ناشرکار عبداللہ جان عرف ابو حمزہ ءَ گوں گند ءُ نند کتگ ءُ شپ ءَ اودا گوازینتگ۔ چہ اودا کابل ءَ سر بوت انت کہ اودا داد اللہ ءَ گوں دوچار کپنت۔ داد اللہ ءَ نور ولی محسود ءِ پرمان ایشاں سر کت کہ راولپنڈی ءُ اسلام آباد ءِ کش ءُ گوراں وت کُش اُرش کنگ بہ بنت۔ سرجمیں منصوبہ بندی کابل ءَ کتگ ات۔ ایشانی مول ءُ مراد راولپنڈی ءُ اسلام آباد ءَ لھتیں مزنیں تخریب کاری آپریشن کنگ بوتگ۔ وزیر ءِ اھوالکاری ءَ گوشت کہ ساجد اللہ عرف شینا پاکستان ءَ واتر بوتگ ءُ آئی ءَ وت کُش بمب تراک کنوک عثمان شینوری ءَ گوں گند ءُ نند کتگ کہ آ اوگانستان ننگرہار ءِ نندوک اِنت ءُ ساجد اللہ ءَ آئی ءَ را وت کُش جیکٹ ءُ اے دگہ سامان داتگ اَنت۔ ساجد اللہ عرف شینا ءُ عثمان شینوری یکجاہ جتا جتائیں جاہاں چارگ ءَ اتنت۔ مزنیں تاوانے دیگ لوٹ اِت اَنت۔ آ چہ مستریں ٹارگٹاں ھچ یکے ءَ لگت نہ کت کن اَنت ءُ سڑک ءِ میان ءَ تراک بوتگ۔ آ وتی ٹارگٹ ءَ ھما جاہ ءَ سر نہ بوت اَنت کہ آ مزنیں تاوانے دیگ لوٹگ ءَ اِت اَنت۔ بلے چہ خدا ءِ فضل ءُ کرم ءَ مُلک چہ مزنیں وئیلے ءَ رکّ اِت ۔ اے وئیل ءِ 48 کلاک ءِ تہ ءَ سی ٹی ڈی ءُ انٹیلی جنس بیورو ءَ چاریں ملزم دزگیر کتگ اَنت۔ وفاقی وزیر ءِ اھوالکاری ءَ گوشت کہ ایشی ءِ تہ ءَ ھچ شک نیست کہ اے واکیہ ءَ ھواریں درستیں مردم آنی رِد ءُ بند اوگان اَنت۔ داداللہ اوگانستان ءَ ھم ساڑی اِنت۔ اے وئیل ءِ مستریں کارست ساجد اللہ عرف شینا تحریک طالبان اوگانستان ءِ باسک بوتگ۔ آئی ءَ اوگانستان ءِ بازیں تر ءُ تاب کتگ ءُ جی 11 ءِ وت کُشیں اُرش ءِ ھم منصوبہ بندی کتگ۔ پریس کانفرنس ءِ ساھت ءَ ساجد اللہ عرف شینا ءِ اعترافی بیان ھم رسانکدر ءَ پیش دارگ بوتگ کہ آئی ءِ تہ ءَ آئی ءَ گْوشتگ کہ 2016 ءَ من ءَ اوگانستان ءِ صوبہ کنار ءَ اسلامی امارات ءِ کمانڈر ابو حمزہ ءَ گوں گند ءُ نند کتگ ءُ یک ماہے ءَ اودا نشتگ ءُ ٹرائی ءِ رسگ ءَ پد پاکستان ءَ واتر بوتگ۔ آئی ءَ گْوشتگ کہ 2023 ءَ من پدا اوگانستان ءَ شتگ آں ءُ ابو حمزہ ءِ کیمپ ءَ نشت آں، اودا لہتیں وھد ءَ پد تحریک طالبان پاکستان ءِ کمانڈر داداللہ ءَ گوں گند ءُ نند کتگ ءُ آئی ءَ من ءَ بیعت کنگ ءَ مجبور کتگ۔ اعترافی بیان ءَ گیشتر پدر بوتگ کہ شش ماہ پیسر داد اللہ ءَ پدا ساجد اللہ ءَ گوں رابطہ کتگ ءُ اوگانستان ءَ آیگ ءِ ہدایت کتگ ءُ گشتگ کہ وتی ہمراہ محمد زلی ءَ گوں وت بیار۔ اودا داد اللہ ءَ یک ہوٹلے ءَ آئی ءَ را ورگ دات ءُ گشت کہ من ءَ جیکٹ وت کُشیں بمب تراک کنوک ءَ سر کنگی اِنت۔ یک شپے ءِ نندگ ءَ پد پاکستان ءَ واتر بوت ءُ مدام رابطہ ءِ تہا بوت۔ ساجد اللہ ءَ بیان ءِ تہ ءَ گْوشتگ کہ لھتیں روچ ءَ پد آئی ءَ را ھدایت رستگ کہ آ یک قبرستانے ءَ چہ وت کُشیں جیکٹے چست بہ کنت۔ پشاور ءَ سر بوھگ ءَ پد آئی ءَ یک قبرے ءِ سر ءَ سیاہ ءُ اسپیتیں سنگانی پجار کت کہ چہ اودا آئی ءَ جیکٹ چست کت ءُ گُڑ ءِ بوری ءَ ایر کت ءُ اسلام آباد ءَ آورت۔ اسلام آباد ءَ آئی ءَ جیکٹ یک نالہ یے ءِ نزیک ءَ شُشتگ ءُ پد ءَ شاہ منیر ءِ گور ءَ سر بوتگ ءُ جیکٹ آئی ءِ دست ءَ داتگ کہ آئی ءَ وتی دکان ءَ ایر کتگ۔ بیان ءِ رد ءَ رند ءَ آئی ءَ را گشگ بوتگ کہ دو سئے روچ ءَ پد اوگانستان ءَ چہ عثمان نامیں مردمے کیت۔ عثمان کہ پاکستان ءَ سر بوت گڑا آئی ءَ وتی اکس دیم دات کہ آئی ءِ بنیاد ءَ ساجد اللہ آئی ءَ آئی ءِ پجار کت ءُ آئی ءِ گور ءَ آورت۔ عثمان دو روچ ءَ وتی لوگ ءَ گامگیجان جاہ ءَ نشت، پدا آئی ءَ شاہ منیر ءِ لوگ ءَ بُرت ءُ ہمودا دگہ لھتیں روچ نشت، رند ءَ محمد زلی ءَ آئی ءَ را یک کوٹی یے کرائے ءَ دات پہ نندگ ءَ۔ اعترافی بیان ءَ گشگ بوتگ کہ لہتیں وھد ءَ پد ساجد اللہ ءَ عثمان ءَ را ہدایت کتگ کہ آ وتی جاہ ءِ جتا جتائیں بندوبست ءَ بہ کنت۔ جمعہ ءِ روچ ءَ محمد زلی ءَ آئی ءَ را گشتگ کہ من ءَ جی 11 ءِ آمید گس ءَ روگی اِنت کہ اودا پولیس ءِ کارندہ گیشتر اَنت۔ سئے شمبے ءِ روچ ءَ سھب ءِ 10 ءَ ساجد اللہ ءَ چہ شاہ منیر ءَ جیکٹ زرت ءُ گوں محمد زلی ءَ وت کُشیں جیکٹ عثمان ءِ سر ءَ ایر کت ءُ ھمے موہ ءَ قاری عثمان ءَ نماز ءِ سروکی کت۔ پد ءَ اُرش کنوک سائیکل ءِ سر ءَ جی 11 ءِ آمید گس ءَ شتگ ءُ نیم روچ ءِ یک بج ءَ ھال رس اِتگ کہ آئی ءَ وت کُش اُرش کُتگ۔ وفاقی وزیر ءِ اھوالکاری ءَ گوشت کہ ساجد اللہ عرف شینا ءَ اوگانستان ءَ گوں وتی سیادی، اوگانستان ءَ چہ وت کُش تراک ءِ آیگ، اودا تربیت زورگ ءُ اے دگہ ھوالگ آنی سر ءَ اعتراف کتگ۔ اے گپ ءِ پُر مھکمیں شوھاز اِنت کہ اے وت کُشیں تراک ٹی ٹی اے ءُ ٹی ٹی پی ءَ یکجاہ کتگ ءُ وت کُشیں تراک کنوک اوگانستان ءِ نندوک اِنت، دگہ مردم ھم وت کُشیں تراکے ءَ ھوار بوتگ اَنت۔ آئی ءَ گوشت کہ مئے سلاھ بندیں اُرد ھمک روچ قربانی دیگ ءَ اَنت، وتی شہری آنی جان سلامتی ءِ واستہ ناشرکار آنی گوما جنگ ءَ اَنت۔ آئی ءَ گوشت کہ وتکش تراک ءَ گوں اسلام آباد ءِ تہ ءَ مزنیں تاوان دیگ ءِ کوشست کنگ بوتگ۔ آئی ءَ گوشت کہ ایشی ءِ تہ ءَ ھچ شک نیست کہ اے واکیہ ءِ سرجمیں تاک اوگانستان ءَ گوں بندوک انت۔ آئی ءَ گوشت کہ مئے سیکورٹی ادارگ، کانود ءِ نفاذ ءِ ادارگ ءُ پاک فوج سرجمی ءَ متحرک انت، انشاءاللہ ناشرکاری ھلاس کنگ بیت ءُ ناشرکار کانود ءِ دیم ءَ آرگ بنت۔ وفاقی وزیر ءَ گوشت کہ وت کُش بمبتراک ءِ 48کلاک ءِ اندر ءَ انٹیلی جنس بیورو ءُ سی ٹی ڈی ءَ را مزنیں سوبمندی رستگ۔ آئی ءَ گوشت کہ مزن وزیر محمد شہباز شریف ءِ نیمگ ءَ شہری آنی رکھینگ ءِ سر ءَ مزنیں دلگوشی اِنت، فیلڈ مارشل سید عاصم منیر ءِ سروکی ءَ سلاہ بندیں اُرد ھم سرجمی ءَ متحرک کنگ ءَ اَنت، مزن وزیر ءَ اے مزنیں سوبمندی ءِ واستہ انٹیلی جنس بیورو ءُ سی ٹی ڈی ءَ را ساڑاتگ۔ احوالکار آنی جست آنی پسو ءَ وفاقی وزیر ءِ اھوالکاری ءَ گوشت کہ خوارج مزنیں ارزشت ءِ ٹارگٹ ءَ سر نہ بوتگ، تنگیں سیکورٹی ءِ سبب ءَ آھاں سڑک ءِ سر ءَ وت تراک کتگ، درستیں ملزم آنی دزگیر کنگ مزنیں سوبمندی یے، ایشی ءَ چہ آیوکیں وئیل آناں گر ءُ دار کنگ ءَ کمک رسیت۔ آئی ءَ گوشت کہ آ وتی گس آنی تہ ءَ اے عناصر آنی پناہ دیگ ءِ مزنیں گناہ ءِ آماچ اَنت، اے وڑیں چاگرد ءِ گیواری سک باز المی اِنت۔ یک جستے ءِ پسو ءَ وفاقی وزیر ءِ اھوالکاری ءَ گشتگ کہ خوارج نور ولی محسود ءَ اے ٹارگٹ اوگانستان ءَ نندگ ءِ وھد ءَ وتی کمانڈر داداللہ ءَ داتگ، داداللہ باجور ءِ نندوک انت ءُ اوگانستان ءَ نندوک انت، آئی ءَ ساجد اللہ عرف شینا ءُ محمد زلی ءَ گوں گند ءُ نند کتگ۔