وفاقی وزیر تجارت جام کمال خان ءَ میاں اوستمانی خوراک ءُ کشت ءُ کشاری ءِ نمائش ”فوڈ ایگ 2025“ ءِ بنگیج

اسلام آباد۔25نومبر  (اے پی پی): وفاقی وزیر تجارت جام کمال خان ءَ کراچی ایکسپو سینٹر ءَ سیمی میاں اوستمانی فوڈ اینڈ ایگریکلچر نمائش ’’فوڈ ایگ 2025‘‘ ءِ بنگیج کت۔ 350 ءَ چہ گیش نامداریں پاکستانی برآمد کنوکاں پاکستان ءِ جوانیں کشت ءُ کشاری ءُ وردن ءِ چیز آنی نمائش کتگ کہ ایشی ءِ تہ ءَ بسمتی برنج، ھشکیں آم، کوئنو، خرما، ہمالیہ ءِ گلابی نمک، کوالٹی ءِ دریائی وردن، حلال گوشت ءُ ڈیری ءِ وردن، مسالہ ءُ ارزشت ءِ ھواریں وردن ھوار اَنت۔ اے نمائش 27نومبر 2025ءَ تاں برجاہ بیت ایشی ءِ تہ ءَ دگنیا ءِ 80 ءَ چہ گیش ملک آنی 800 ءَ چہ گیش پری کوالیفائیڈ خریدار آنی بھر زوری بیت کہ پاکستان ءِ راجدپتر ءِ تہ ءَ یک تجارتی مراگش ءِ واستہ مزنیں میاں اوستمانی خریدار آنی ڈل اِنت۔ نمائش ءِ بنگیج ءِ ساھت ءَ وفاقی وزیر برائے تجارت جام کمال خان ءَ گوشت کہ مزن وزیر ءِ مارکیٹ اوپننگ سفارتکاری ءِ چیر دستی ءَ پاکستان ءِ جتا جتائیں ایگرو کلائمیٹک ریجن ءُ حکومتی پالیشی آں مارا ایوک ءَ مزنیں پروڈیوسر ءَ چہ جھان ءِ درجہ ءِ برانڈڈ سپلائر ءَ بدل کنگ بندات کتگ۔ فوڈ ایگ 2025 ءِ تہا دنیا بھر ءِ سنگینیں خریدارانی اے تاریخی شریکداری ءَ اے گپ ثابت کنت کہ مئے حکمت عملی ءَ گوں ھاسیں رنگ ءَ سوبمند بوھگ ءَ اِنت۔ آئی ءَ گوشت کہ خریدار ءِ ڈل ءَ ایشیا ءِ نامداریں درآمد کنوک ھوار اَنت کہ آھانی کساس 300 ءَ چہ گیش اِنت، ایشی ءِ سروکی ءَ چینی مزنیں سرکاری ءُ نجی کمپنی برناس ملائیشیا، پی ٹی لاریس منیس یوٹاما انڈونیشیا ءُ سری لنکا ءِ مزنیں کاروباری گل ھوار اَنت۔ یورپ ءِ چہ خریداراں ساریا فوڈز (یورپ ءِ مستریں بسمتی خریدار)، اے آئی بی فوڈز، ایتچ فوڈز، اسکیپس اینڈ کمپنی بیلجیم ءُ میگروس ترکی ھوار انت۔ میاں اوستمانی ءُ خلیج ءِ دمگ ءَ چہ مرکری می ڈی ایم سی سی، سنڈر ٹریڈنگ قطر ءُ ڈی اوشن فشریز بحرین ءَ بہر زورگ ءَ انت۔ جام کمال ءَ گوشت کہ کینیا، صومالیہ، کیمرون، انگولا، روانڈا، ماریشس ءُ افریقہ ءِ ایندگر ملک آنی 200 ءَ چہ گیش خریدار ھوار اَنت وھدیکہ آسٹریلیا، کینیڈا، امریکہ ءُ روس ءِ ھاسیں تجارتی گل ھم اے ریکارڈ ڈل ءِ بھر اَنت۔ آئی ءَ گوشت کہ ھزاراں شیڈولڈ بی ٹو بی دیوان، پائیداری ءُ ٹریس ایبلٹی ءِ ھوالگ ءَ 9 مزنیں تک ءِ کانفرنس ءُ یک ھاسیں پاکستانی فوڈ پویلین ءِ کہ ایشی ءِ تہ ءَ پنچ براعظم آنی 21دگنیا ءِ نامداریں شیف ایوک ءَ پاکستانی سامان آنی تہ ءَ لائیو کوکنگ کن اَنت، فوڈ ایگ مارک 2025 ءَ را ارب ءَ چہ گیش کاروبار ءِ پیداوار جوڑ کنت۔