پاکستانی ورنا فالکن انت، آہانی پرواز سک باز انت، آ ملک ءِ اصل اثاثہ انت، وفاقی وزیر پروفیسر احسن اقبال مراگش ءَ گوں تران

اسلام آباد۔25نومبر  (اے پی پی): منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ پاکستان ءِ ورنا ھما فالکن اَنت کہ آیانی بالی گراب کم نہ اِنت بلکیں سک باز اِنت، اے ورنا ملک ءِ اصل اثاثہ اَنت۔ اودان پاکستان ڈیبیٹ 2025ءِ مراگش ءَ گوں گشتانک دیان ءَ آئی ءَ گوشت کہ اے ڈیبیٹ ملک ءَ نوکیں فکری رھشونی ءِ جوڑ کنگ ءِ ھاسیں پلیٹ فارم اِنت۔ پروفیسر احسن اقبال ءَ گوشت کہ ما یک نوکیں فکری ءُ اخلاقی شعور ءِ بنیات ءَ ایر کنگ ءَ ایں، مرچی مراگش ءَ پاکستان ءِ توامیں دمگ آنی نمائندگی اے گپ ءِ ثبوت انت کہ ورنا یک رژنائیں باندات ءِ جوڑ کنگ ءَ سرجمیں کرد ءَ پیلو کنگ ءِ واستہ جزم انت۔ ورنا آں گوں تران کنان ءَ آئی ءَ گوشت کہ شمئے چم 2047 ءِ پاکستان ءِ سر ءَ بہ بنت پرچا کہ پاکستان ءُ آئی ءِ ھمساھگیں ملک آجوئی ءِ 100 سال ءِ درگت ءَ تیاری ءَ کن اَنت۔ انچوش کہ گوستگیں زمانگ ءَ راج ءَ انصاف ءِ جنگ ءَ دژمن ءَ را شکست داتگ ہمے پیم دیمروئی ءِ جنگ ءَ ہم سوبمندی حاصل بیت۔ پروفیسر احسن اقبال ءَ گوشت کہ سوبمندیں راج امن، برجائی، پالیسی ءِ تسلسل ءُ برجاھیں اصلاحات ءِ وسیلگ ءَ دیمروئی کن اَنت۔ ما ورنا آناں ھما زانت ءُ زانشت ءِ پھجارینگ ءَ ایں کہ آھانی نبشتہ کاری ءِ توانائی آناں دیمروئی دنت ءُ نوکیں ٹیکنالوجی ءِ دور ءِ لوٹ آنی چیر دستی ءَ زانت ءِ سروک جوڑ کنت۔ مئے مول ءُ مراد ایش انت کہ ورناہاں زانت ءُ زانشت ءِ بالی ءِ وسیلہ ءَ استالانی نیمگ ءَ برگ بہ بیت۔ منصوبگ بندی ءِ وزیر ءَ گوشت کہ اودان پاکستان اصل ءَ ھما نا سرجمیں واب ءِ برجائی اِنت کہ وژن 2025 ءِ چیر دستی ءَ گندگ بوتگ آئی ءَ گوشت کہ پاکستان ءَ وتی اسٹاک ایکسچینج، آئی ٹی ءِ شوبگ، برآمدات ءُ درملکی زرّ دیم دیگ ءَ ھوار ھمک شوبگ ءَ ریکارڈ پیشرفت کتگ۔ پاکستان نوں راجدپتر ءِ ”چارمی بال“ ءَ زورگ ءَ تیار اِنت۔ اے بالی گراب ءَ پائیدار، فیصلہ کنوک ءُ بُرز کنگ ءِ ھاترا درستیں کلاساں یکجاہ کار کنگی اِنت۔ پروفیسر احسن اقبال ءَ گوشت کہ پاکستان ءِ نوک جوڑیشت ءَ ورنا آنی مستریں شریک انت۔ ایشاں راجی دیمروی ءِ عمل ءِ تہا ہوار کنگ ءِ واستہ جتاجتائیں پروگرام بندات کنگ بوتگ انت۔ آئی ءَ اے گپ ءِ سر ءَ زور پر دات کہ چاگرد ءَ چہ کینگ ءُ آشوب ءِ توار ھلاس کنگ بہ بنت ءُ ورنا امن ءُ ایمنی ءُ یکوئی ءِ سفیر جوڑ کنگ بہ بنت۔ آئی ءَ گوشت کہ پاکستان ءِ بالی اصل ءَ ورنا پاکستان انت۔ ملک ءَ یلہ دیگ ءُ تچگ ءِ بدل ءَ وتی ماتیں گلزمین ءِ معمار جوڑ بہ بنت۔ پاکستان ءَ ہر واب محنت ءُ لگن ءِ وسیلہ ءَ سرجم بیت۔