زالبولانی سرا زوراکی ءِ ھلاپ ءَ درستاں یکجا بوھگی اِنت، پاکستان سرجمیں روچ ءَ اے ھاسیں مکسد ءِ دیم ءَ آرگ ءِ ھاترا وتی توار ءَ چست کنگ ءَ اِنت، زالبولانی سر ءَ زوراکی ءِ ھلاسی ءِ میاں اوستمانی روچ ءِ سر ءَ مزن وزیر شہباز شریف ءِ کلوہ

اسلام آباد۔25 نومبر  (اے پی پی): مزن وزیر محمد شہباز شریف ءَ زالبول آنی سر ءَ زوراکی ءُ آزار ءُ اذیت ءِ وئیل آناں سرجمی ءَ ھلاس کنگ ءِ واستہ یک جامع کثیر جہتی حکمت عملی ءِ زورگ ءِ ضلورت ءِ سر ءَ زور پر دیان ءَ گوشت کہ حکومت زالبول آنی سر ءَ زوراکی ءِ یک جامع پیکج ءِ بھر ءِ رنگ ءَ بازیں ھاسیں گامگیج چست کنگ ءَ اِنت۔ زالبولانی سرا زوراکی ءِ ھلاپ ءَ درستاں یکجاہ بوھگی اِنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی زالبول آنی سر ءَ زوراکی ءِ ھلاسی ءِ میاں اوستمانی روچ ءِ درگت ءَ وتی کلوہ ءِ تہ ءَ کت۔ مزن وزیر ءَ گوشت کہ پاکستان سرجمیں روچ ءَ اے ھاسیں مول ءُ مراد ءَ را پدر کنگ ءِ واستہ وتی توار چست کنگ ءَ اِنت، اے سال ءَ اے روچ ’’زالبول آنی سر ءَ گس ءِ زوراکی ءِ ھلاسی ءِ واستہ یکجا بہ بئے‘‘ ءِ سرھال ءِ چیر دستی ءَ برجم دارگ بوھگ ءَ اِنت۔ آئی ءَ گوشت کہ اے بنگپ نوکیں دور ءَ زالبول آنی سر ءَ جتا جتائیں تک ءُ پھنات ءُ جتا جتائیں رنگ آنی تہ ءَ زوراکی ءُ آزار ءِ نیمگ ءَ دلگوشی ءَ را وتی نیمگ ءَ کش ایت ءُ اے روچ مارا اے جزم ءِ رد ءَ رد ءُ بند دیگ ءُ نوک کنگ ءُ ایشی ءِ ھلاپ ءَ یکجا بوھگ ءُ جنگ ءِ موہ ءَ دنت۔ مزن وزیر ءَ زالبول آنی سر ءَ زوراکی ءُ آزار ءِ وئیل آنی سرجمی ءَ گر ءُ دار ءِ واستہ کثیر جہتی حکمت عملی ءِ زورگ ءِ ضلورت ءِ سر ءَ زور پر دات ءُ گوشت کہ یک سرجمیں حکمت عملی ءِ تہ ءَ نہ ایوک ءَ اے رنگیں وئیل آنی گر ءُ دار ءِ گامگیج ھوار کنگ بہ بنت بلکینگ ءَ آماچیں زالبول آنی گوما ھمدردی ءُ چاگرد ءِ استحصالی نظام ءِ تہ ءَ اصلاحات ھم ھوار کنگ بہ بنت۔ آئی ءَ گوشت کہ زالبول آنی سر ءَ زوراکی ایوک ءَ انسانی ءُ بنیاتی انسانی ھک آنی لگتمال کنگ نہ انت بلکینگ ءَ اے زوراکی چاگرد ءِ امن ءُ ایمنی دیمروئی ءُ وشھالی ءِ دیم ءَ مزنیں اڑاند ءِ ھم انت ۔ پاکستان ءِ آئین ءَ زالبولانی عزت ءُ شرپ ءِ ضمانت ءِ سرا ھاسیں رنگ ءَ داتگ ءُ آہاں برابریں حق داتگ انت بلے پدا ہم مئے چاگرد ءِ زالبول بازیں جاوراں تبعیض ءِ آماچ انت۔ آئی ءَ گوشت کہ پاکستان ءِ حکومت ءَ جھان ءِ تک ءَ زالبول آنی سر ءَ زوراکی ءِ ھلاسی ءِ میاں اوستمانی کنونشن ءِ منوگری کتگ ءُ حکومتی تک ءَ زالبول آنی ھک آنی رکھینگ ءِ واستہ پالیسی، کانودی، انتظامی، ادارگی ءُ اے دگہ گامگیج چست کنگ بوھگ ءَ انت۔ اے گامگیج آنی تہ ءَ زالبول آناں بااختیار کنئگ ءِ واستہ مزن وزیر ءِ پیکج ھم ھوار اِنت۔ آئی ءَ گوشت کہ پاکستان ءِ حکومت ھم زوراکی ءَ چہ آماچیں زالبول آناں ادارگی کمک پجارینگ ءِ واستہ ھمک رنگ ءِ کوشست کنگ ءَ انت۔ اے درگت ءَ آزاتیں کمیشن جوڑ کنگ بوتگ اَنت کہ آھانی تہ ءَ راجی انسانی ھکانی کمیشن، راجی کمیشن برائے چائلڈ ءُ راجی کمیشن برائے زالبول ھوار اَنت۔ ایشی ءَ ابید زوراکی ءِ آماچیں زالبول آنی مالی ءُ کانودی کمک ءِ واستہ کار کنگ بوھگ ءَ اِنت ایشی ءِ تہ ءَ زالبول آنی رکھینگ ءِ مرکز، زالبولانی پولیس ءِ مرکز، کمکی لائنز ءُ دگہ آسراتی ھوار اَنت۔ آئی ءَ گوشت کہ پاکستان ءِ حکومت زالبول آنی کانود ءِ رکھینگ ءُ آوانی انصاف ءَ دست کپگ ءِ واستہ ھم کار کنگ ءَ انت۔ پاکستان ءِ حکومت ھمک ھمگرنچیں ادارگ، سول سوسائٹی ءُ انسانی ھکانی کارکن آنی گوما ھمکوپگی ءَ برجاہ دار ایت تانکہ زالبول آنی رکھینگ، وت واجہی ءُ وشھالی ءَ را دل یکیمی کنگ بہ بیت۔ بلے ھچ وڑیں کانود ءُ سرکاری پالیسی زالبولانی سرا زوراکی ءَ سرجم ءَ ھلاس کُت نہ کنت داں کہ زالبولانی رکھینگ چاگرد ءِ تہ ءَ یک سرجمیں اولویت یے جوڑ کنگ مہ بیت ءُ چاگرد ایشی ءِ ھلاپ ءَ توار چست مہ کنت۔ آئی ءَ گوشت کہ مئے دود ءُ ربیدگ ءُ تہذیب ءَ ھم زالبول آنی برابری، شرپ ءُ عزت ءُ ھمک گس ءَ ایشی ءَ را حقیقت جوڑ کنگ ءِ سکین ھوار انت۔ آئی ءَ چہ درستیں شہری، ورنا، درستیں چاگردی ءُ مذہبی رہشون ءُ استاداں لوٹ کتگ کہ آ زالبولانی سرا زوراکی ءِ ھلاپ ءَ ءُ ایشی ءِ ھلاسی ءِ ھاترا یکجاہ بہ بنت۔ بیا اِت ما درست یکجاہ پاکستان ءِ دیمروئی ءُ وشھالی ءَ را مھکم ءُ یکجاہ کنگ ءِ وتی مھکمیں جزم ءِ پدا پدر کنگ ءَ ایں دانکہ پاکستان ءِ ھر زالبول ءَ یک آ وتی ھکاں چہ ھرچ وڑیں ترس ءُ بیم، زوراکی، استحصال ءُ تبعیض ءِ رد ءَ آجو ءُ آجو بوت کن اَنت۔ آئی ءَ گوشت کہ ایوک ءَ سرجمیں سیادی داروکیں سرکاری ادارگ، چاگرد، سرکاری ءُ غیر سرکاری ادارگ ءُ میاں اوستمانی کمک ءِ گوما یکجائی ءَ کار کنگ ءَ چہ ایوک ءَ پاکستان زالبول آنی واستہ ایمن، انصاف ءُ برابریں چاگرد ءِ سوبین بوت کنت۔