زالبولانی سرا زوراکی انسانی حقانی سنگینیں لگتمالی، انسانی شرپ ءِ ھلاپیں کارے ءُ چاگردانی دیمروئی ءِ ھاترا مزنیں رکاوٹے، زالبولانی سرا زوراکی ءِ ھلاسی ءِ میاں اوستمانی روچ ءِ سر ءَ صدر آصف علی زرداری ءِ کلوہ

اسلام آباد۔25 نومبر (اے پی پی): صدر ءِ مملکت آصف علی زرداری ءَ گوشت کہ ما مرچی سرجمیں دگنیا ءِ لاکھوں زالبول ءُ جنک آنی گوما یکوئی ءِ درشان کن ایں کہ آ انگت ءَ جتا جتائیں رنگ ءُ زوراکی ءِ آماچ اَنت۔ زالبولانی سر ءَ زوراکی نہ ایوک ءَ انفرادی تک ءَ رد اِنت بلکیں انسانی ھکانی سنگینیں لگتمالی ءُ انسانی شرپ ءِ ھلاپیں کارے ءُ چاگردانی دیمروی ءِ دیم ءَ مزنیں اڑاندے ھم اِنت۔ پاکستان ءِ حکومت ءَ بازیں گامگیج چست کتگ اَنت، ایشی ءِ تہ ءَ زالبول آنی کارجاہ ءَ آزار ءُ اذیت ءِ چہ رکھینگ ءِ ایکٹ 2022، تجاوز ءِ ھلاپ ءَ (پٹ ءُ پول ءُ مقدمہ) ایکٹ 2021، ءُ زالبول آنی ھک آنی نفاذ ءِ ایکٹ 2020 ھوار اَنت۔ اے ھیالانی درشانی صدر آصف علی زرداری ءَ زالبولانی سر ءَ زوراکی ءِ ھلاسی ءِ میاں اوستمانی روچ ءِ درگت ءَ وتی کلوہ ءِ تہ ءَ کت۔ صدر ءِ مملکت ءَ گوشت کہ مرچی ما سرجمیں دگنیا ءِ لاکھوں زالبول ءُ جنک آنی گوما یکوئی ءِ درشان کن آں کہ آ انگت ءَ جتا جتائیں رنگ ءُ زوراکی ءِ آماچ اَنت۔ زالبولانی سرا زوراکی نہ ایوک ءَ انفرادی تک ءَ رد انت بلکینگ ءَ انسانی حقانی سکیں مزنیں لگتمالی یے ءُ چاگرد آنی دیمروئی ءِ دیم ءَ مزنیں اڑاند ءِ انت۔ صدر آصف علی زرداری ءَ گوشت کہ وانگ ءُ زانگ، ہنر ءُ اقتصادی آجوئی ءِ وسیلگ ءَ زالبول ءُ جنک آناں توان دیئگ زوراکی ءِ ھلاسی ءِ بنیاتی شرط انت۔ اے درگت ءَ مھکمیں قانونی رھبند، ادارہ جاتی کمک، سرپدی ءِ دیم ءَ آرگ ءُ دود ءُ ربیدگی لیکہانی تہ ءَ جوانیں بدلی ھم ھمے پیم ءَ المی اَنت۔ آئی ءَ گوشت کہ اے سال ءِ بنگپ ’’زالبول ءُ زھگ آنی سر ءَ صنفی زوراکی ءِ ھلاسی ءِ واستہ یکجا بہ بئے‘‘ مارا پائیدار حکمت عملی، آماچیں زالبول آنی کمک ءُ نظامی اصلاحات آنی تہ ءَ سرمایہ کاری ءِ واستہ دلبڈی دنت۔ صدر آصف علی زرداری ءَ گوشت کہ اے بنگپ مردگ آنی جھان ءِ روچ ءِ شپ ءَ زالبول ءُ زھگ آنی سر ءَ گیش بوھوکیں زوراکی ءِ گر ءُ دار ءِ ترندیں ضلورت ءَ را پدر کنت۔ اے کمپین ءَ حکومت، سول سوسائٹی ءِ گل ءُ ہر یک مردمے ءَ را کلوہ  داتگ کہ آ اے جیڑہ ءِ ہلاس کنگ ءِ ہاترا متحرک بہ بنت۔ یک انچیں چاگردے ءِ رسگ ءِ ھاتر ءَ کہ زالبول بے ترس ءُ بے ایمنی ءَ زندگ بہ بنت، پاکستان ءِ سرکار ءَ بازیں گامگیج چست کتگ اَنت، ایشی ءِ تہ ءَ تحفظ خواتین برائے ہراسگی بمقام کار (ترمیمی) ایکٹ 2022، انسداد تجاوز بالجبر (تفتیش و ٹرائل) ایکٹ 2021، نفاذ حقوق ملکیت نسواں ایکٹ 2020  سرا کار کنگ ءَ انت۔ صدر ءِ مملکت ءَ گوشت کہ زھگانی آروس ءِ ھلاسی ءِ واستہ کانود سازی ھم سک باز المی اِنت، اے درگت ءَ سندھ 18سال ءِ عمر ءِ سیمسر ءِ ایر کنگ ءَ دیم ءَ اِنت، وھدیکہ اسلام آباد ءُ پنجاب ءَ ھم اے کانود جوڑ کتگ، گمان اِنت کہ دومی دوئیں صوبہ ھم زوت ایشی ءِ رندگیری ءَ کن اَنت۔ صدر آصف علی زرداری ءَ گوشت کہ اے موہ ءِ سر ءَ توامیں سرکاری ادارگ، سول سوسائٹی ءُ کمیونٹیز ءَ گوں دزبندی کن آں کہ آ زالبول آنی سر ءَ زوراکی ءِ ھلاسی ءِ واستہ وتی یکجائی کوشست آناں گیش مھکم بہ کن اَنت ءُ اے گپ ءَ دل یکیمی بہ کن اَنت کہ کانود نہ ایوک ءَ منظور کنگ بہ بنت بلکینگ ءَ سرجمی ءَ ایشی ءِ سر ءَ عمل کنگ بہ بیت۔ من ھم درستیں ذمہ واریں شہریاں دعوت دیان آں کہ آ ھرچ وڑیں تبعیض، محرومی ءُ بے تواری ءَ را چیلنج بہ کن اَنت، پرچا کہ بدلی مئے لوگ ءُ مئے کارجاہاں بندات بیت۔ آئی ءَ گوشت کہ بیا اِت ما یک انچیں آیوکیں وھد ءِ جوڑ کنگ ءِ وعدہ ءَ بہ کن ایں کہ اودا ھمک زالبول ءُ ھمک جنک ترس ءُ بیم ءُ زوراکی ءَ چہ پاکیں زند گوازینت کنت ءُ وتی سرجمیں توانائی ءَ را کارمرد کت کنت۔ من ھما درستیں زدگیں مردم، جھدکار، کمکی ادارہ ءُ مردماں یات کناں کہ آ زالبولانی شرپ ءُ شرپ، رکھینگ ءُ ایمنی ءِ ھاترا کار کنگ ءَ اَنت۔ صدر ءِ مملکت ءَ گوشت کہ بیا اِت ما اے روچ ءَ وتی راجی جزم ءِ نوک کنگ ءَ گوں وتی یکجاھیں ذمہ واری ءَ سرپد بہ بئیں ءُ یک انچیں چاگرد ءِ جوڑ کنگ ءِ نیمگ ءَ گامگیج بہ بئیں کہ ایشی ءِ تہ ءَ زالبول آنی ھک آنی رکھینگ بہ بیت ءُ صنفی بنیات ءَ زوراکی ءَ را ھچ جاہ ءَ یا کسے ءِ نیمگ ءَ برداشت کنگ مہ بیت۔ من دعا کناں کہ مئے مرچیگیں جزم باندا شرتریں باندات ءَ زاھر بہ بیت۔