مودی طالبان گٹھ جوڑ ، اوغانستان نا بھارت ءِ زرکاری نا سلہ

اسلام آباد۔ 25 نومبر (اے پی پی) مودی طالبان گٹھ جوڑ اوغان الس نا زرگزرانی بربادی نا پوسکن آ بشخ جوڑ مس، انتہاپسند مودی نا دُتکی طالبان اوغان وسیلہ غاتے بیدس خراج نا بھارتی کمپنی تا حوالہ کننگ اٹ لگانے۔ سرجم حوال آتا رداٹ موقع پرست بھارت اوغانستان نا نزور حالیت آتا فائدہ ہرفسا قدرتی وسیلہ غاتیا کوزہ کننگ کن تیار ءِ۔ دا بابت اوغانستان نا صنعت وواپار نا وزیر الحاج نور الدین عزیزی پارے کہ اوغانستان چندی بشخ آتیٹی زرکاری کن بھارتی کمپنی تے خصوصی آسودہی تننگ کن تیار ءِ، بھارت ءِ ٹیرف سپورٹ تون اوار اوار ڈغارہم فراوان کننگک۔ اوپارے کہ پوسکن زرکاری کروک آ کمپنی تے پنچ سال انا خراج چھوٹ تننگک۔ یات سلے کہ بھارت ءِ خراج فری آسودہی نا سلہ خلنگ انگ ءِ وخت اس کہ اوغان الس بین، کبینی و بے روزگاری نا گواچی ءُ، بدحال اوغانستان بھارتی زرکارآتے خراج چھوٹ ترسا نزور زرگزران ءِ پین خطرہ ٹی شاغانے۔