وزارت ءِ اھوالکاری ءِ مزنیں افسر اشفاق احمد خلیل ءَ وفاقی سیکرٹری اھوالکاری و نشریات ءِ اگدہ ءِ سر ءَ گچین کنگ بوتگ، نوٹیفکیشن شنگ

اسلام آباد۔24نومبر  (اے پی پی): وزارت ءِ اھوالکاری ءِ سینئر افسر اشفاق احمد خلیل (بی ایس 21) ءَ را وفاقی سیکرٹری اھوالکاری ءُ نشریات ءِ بستار ءَ گچین کنگ بوتگ۔ مزن وزیر محمد شہباز شریف ءِ منظوری ءَ پد کابینہ سیکرٹریٹ اسٹیبلشمنٹ ڈویژن ءَ نوٹیفکیشن جاری کت۔ نوٹیفکیشن ءِ رد ءَ اشفاق احمد خلیل ءَ را سول سرونٹس ایکٹ 1973 ءِ سیکشن 10 ءِ رد ءَ ڈیپوٹیشن ءِ سر ءَ سیکرٹری انفارمیشن اینڈ براڈکاسٹنگ جوڑ کنگ بوتگ ءُ ایشی ءَ را تاں دگہ نوٹس ءِ سر ءَ ترندیں رنگ ءَ کارمرد کنگ بوتگ۔ زانگ بہ بیت اشفاق احمد خلیل ایشی ءَ چہ پیسر وزارت ءِ اھوالکاری ءُ نشریات ءَ ایڈیشنل سیکریٹری ءِ بستار ءَ کار کنگ ءَ ات۔ اشفاق احمد خلیل ءَ وزارت ءِ اھوالکاری ءَ ھم جتا جتائیں ھاسیں ذمہ واری پیلو کتگ انت۔ آئی ءَ پشاور ءِ پریس انفارمیشن ڈیپارٹمنٹ ءَ ڈائریکٹر جنرل ءُ جاپان ءِ ٹوکیو پاکستان سفارت خانہ ءَ پریس کونسلر ءِ بستار ءَ ھم کار کتگ۔ ایشی ءَ ابید آئی ءَ الیکٹرانک میڈیا اینڈ پبلکیشنز ءِ ڈائریکٹوریٹ، پیمرا، انفارمیشن سروس اکیڈمی ءُ پی آئی ڈی ءِ تہ ءَ ھم جتا جتائیں ھاسیں عہدہ ءِ سر ءَ کار کتگ۔ مزن وزیر محمد شہباز شریف ءَ وزارت ءِ اھوالکاری ءِ مزنیں افسر طارق خان، ارشد منیر، اشفاق احمد خلیل، عمرانا وزیر ءُ سعید احمد شیخ ءَ گوں انٹرویو کتگ ءُ ایشانی تہ ءَ اشفاق احمد خلیل ءِ نام شارٹ لسٹ کنگ بوتگ ءُ اے عہدہ ءِ واستہ گچین کنگ بوتگ۔ وزارت ءِ اھوالکاری ءِ رد ءَ نوکیں گچینکاری ءَ پد وزارت ءِ تہ ءَ انتظامی ءُ پالیسی ءِ تک ءَ رچ برجاہ دارگ بیت ءُ سرکاری ھمگرنچی گیش گہتر  بیت۔