آرمی ءِ سروک فیلڈ مارشل  سید  عاصم منیر  نشان امتیاز ءَ سعودی سلاہ بندیں اُرد ءِ سروک جنرل سٹاف جنرل فیاض بن حمید الروائیلی  ءَ گوں گند ءُ نند

راولپنڈی۔24نومبر  (اے پی پی): آرمی اسٹاف ءِ سروک فیلڈ مارشل سید عاصم منیر  نشان امتیاز (ملٹری) ءُ هلال جرات ءَ سعودی سلاہ بندیں اُرد ءِ چیف آف جنرل سٹاف جنرل فیاض بن حمید الروائیلی  ءَ گوں گند ءُ نند کتگ ءُ آئی ءَ آئی ءَ گوں مہارتی گند ءُ نند کتگ۔ انٹر سروسز پبلک ریلیشنز ءِ رد ءَ گند ءُ نند ءِ ساھت ءَ دوئیں رہشون آنی تہ ءَ وت مہ وتی سیت ءِ جیڈھ آنی سر ءَ ھیال ءُ لیکہ ءِ درشان کنگ بوتگ ایشی ءِ تہ ءَ پاکستان ءُ سعودی عرب ءِ نیام ءَ دیریں ءُ اسٹریٹجک فوجی کمک ءَ را گیش مھکم کنگ ءِ سر ءَ ھاسیں زور دیگ بوتگ۔ گند ءُ نند ءِ ساھت ءَ آہاں دفاعی کمک، سائنسی شریکداری ءُ ناشرکاری ءِ ھلاپ ءَ یکجائی کوشست آناں دو نیمگی سیادی ءِ ھاسیں کوھنڈگ ءِ نامینتگ۔ سعودی مہمان ءَ سعودی سلاہ بندیں اُرد ءِ گوما جتا جتائیں شوبگ آنی تہ ءَ پاکستان ءِ کمک ءَ را ساڑات ءُ دوئیں ملک آنی نیام ءَ مھکمیں سیادی آناں گیش دیمروئی دیگ ءِ جزم ءِ درشان کت۔ ایشی ءَ چہ پیسر جی ایچ کیو ءَ سر بوھگ ءِ وھد ءَ جنرل فیاض بن حمید الروائیلی  ءَ شھید آنی یادگار ءِ سر ءَ گلدستہ ایر کت وھدے کہ پاکستانی لشکر ءِ جوانیں پوشاکیں دستہ ءَ گارڈ آف آنر پیش کت۔