اسلام مارا درس دنت کہ زالبولاں گوں مھر ءُ نرمی ءَ پیش بہ داریں ءُ آھاں بنیاتی ھک بہ دئے ایں، اسپیکر نیشنل اسمبلی

اسلام آباد۔24نومبر  (اے پی پی): راجی اسمبلی ءِ اسپیکر سردار ایاز صادق ءَ گوشت کہ اسلام مارا زالبول آنی گوما مھروان ءُ نرمی ءَ پیش دارگ ءِ سکین ءَ دنت ءُ آھاں بنیاتی ھک آنی پجارینگ ءِ سکین ءَ دنت۔ اسلام ءِ تہا جنین آدم ءَ مزنیں عزت ءُ شرپے دیگ بیت ءُ آہانی سرا زوراکی ءُ زلم ءُ زوراکی ءِ سرا سک باز پابندی انت۔ زالبولاں را چاگردی، معاشی ءُ سیاسی رد ءَ بااختیار کنگ پہ مہذب ءُ انصاف پسندیں چاگرد ءِ جوڑ کنگ ءَ المی اِنت۔ اے ھیالانی درشانی آئی ءَ زالبولانی سر ءَ زوراکی ءِ ھلاسی ءِ میاں اوستمانی روچ ءِ درگت ءَ کت۔ اسپیکر راجی اسمبلی ءَ گوشت کہ ملک ءِ دیمروئی ءُ وشھالی ءِ واستہ زالبول آناں راجی مین اسٹریم ءِ تہ ءَ ھوار کنگ المی انت ءُ آھانی سر ءَ زوراکی ءِ ھلاسی کنگ المی انت۔ آئی ءَ اے مول ءُ مراد ءِ سرجمی ءِ واستہ ریاستی ادارگ، سول سوسائٹی، کمیونٹیز ءُ اے دگہ درستیں اسٹیک ہولڈر آنی یکجائی کوشست کنگ ءِ ضلورت ءِ سر ءَ زور پر دات۔ آئی ءَ زالبول آنی سر ءَ زوراکی ءِ ھلاسی ، آھاں چاگردی ءُ اقتصادی انصاف پجاری ءُ آوانی ھک آنی رکھینگ ءِ واستہ اولویت ءِ بنیاد ءَ گامگیج چست کنگ ءِ ضلورت ءِ سر ءَ ھم زور پر دات۔ اسپیکر راجی اسمبلی ءَ گوشت کہ پارلیمنٹ ءَ زالبول آنی رکھینگ، کارجاہ ءَ آزار ءُ اذیت ءِ ھلاسی، میراثی ھک آنی پجاری، لوگی زوراکی ءِ گر ءُ دار ءُ ترندیں انصاف ءِ واستہ ھاسیں کانود جوڑ کتگ۔ آئی ءَ گوشت کہ پاکستان اقوام متحدہ ءِ سیڈو کنونشن ءِ باقاعدہ باسک انت، ایشی ءِ چیر دستی ءَ زالبول آنی سر ءَ ھمک رنگ ءِ چست ءُ ایر ءُ زوراکی ءَ را ھلاس کنگ، آوانی ھک آنی رکھینگ ءُ یک وڑیں موہ آناں پجاری کنگ ءِ پابند انت۔ آئی ءَ گوشت کہ پارلیمنٹ ءِ زالبول آنی پارلیمانی کاکس ملک ءَ اے میاں اوستمانی ذمہ واری آناں دل یکیمی کنگ ءِ واستہ کانود سازی ءُ سرپدی ءِ عمل ءَ سرگرمیں کرد پیلو کنگ ءَ انت۔ راجی اسمبلی ءِ اسپیکر سردار ایاز صادق ءَ گوشت کہ زالبول آنی سر ءَ زوراکی ءِ ھلاسی، چاگردی لیکہ آنی تہ ءَ بدلی، سیادی داروکیں کانود آنی سر ءَ عمل کنگ ءَ را دل یکیمی کنگ ءُ زالبول آنی واستہ ایمنیں چاگرد ءِ پھجارینگ المی اِنت۔ آئی ءَ وتی اے عزم ءِ پدا زور دات کہ پارلیمنٹ زالبول آنی ھک آنی برجائی، آوانی رکھینگ ءُ آھاں چاگردی ءُ معاشی رنگ ءَ بااختیار کنگ ءِ تہ ءَ وتی کرد ءَ را برجاہ دار ایت۔