راجی اسمبلی ءِ اسپیکر سردار ایاز صادق ءَ پاکستان ءِ اولی زالبولیں جنگی پائلٹ مریم مختیار شہید ءِ 10 سالی بیرانی ءِ درگت ءَ آئی ءَ را شگر ءُ منت گپت

اسلام آباد۔24نومبر  (اے پی پی): راجی اسمبلی ءِ اسپیکر سردار ایاز صادق ءَ پاکستان ءِ اولی زالبولیں جنگی پائلٹ مریم مختیار شہید ءِ 10 سالی بیرانی ءِ روچ ءَ آئی ءَ را شگر ءُ منت گپت ءُ گوشت کہ آئی ءَ جزم، دلیری، محنت ءُ لگن ءِ نوکیں راجدپتر جوڑ کتگ۔ دوشمبے ءِ روچ ءَ وتی کلوہ ءِ تہ ءَ آئی ءَ گوشت کہ مریم مختیار شھید ءَ پاکستان ءِ زالبول آنی واستہ نوکیں راہ پچ کتگ اَنت، راج ءَ را وتی بامردیں جنک ءِ قربانی ءُ ازمت آنی سر ءَ پھر اِنت، مریم مختیار زالبول آنی واستہ دلیری، آجوئی ءُ بااختیاریں پاکستان ءِ علامت ءِ رنگ ءَ مدام یات کنگ بیت۔ اسپیکر ءَ گوشت کہ مریم مختیار شہید ءَ اے گپ ثابت کت کہ پاکستانی زالبول ملک ءِ دفاع ءَ مردین آنی ھمراھی ءَ وتی جوانیں توانائی پیش کت کن اَنت، ءُ آئی ءِ قربانی آیوکیں نسل آنی واستہ جزم، ھزمت ءُ راج دوستی ءِ یک رژنائیں چراگ اِنت۔