ملک ءِ تہا دائمی سیاسی برجائی، آئینی حکومت ءُ جمہوری تسلسل راجی دیمروئی ءِ بنیاد انت، سید یوسف رضا گیلانی

ملتان۔24نومبر  (اے پی پی): چیئرمین سینیٹ سید یوسف رضا گیلانی ءَ گوشت کہ ملک ءَ دائمی سیاسی برجائی، آئینی حاکمی ءُ جمہوری تسلسل راجی دیمروئی ءِ بنیات انت۔ آئی ءَ اے ھیالانی درشانی یک شمبے ءِ شپ ءَ دیر ءَ ملتان ءُ ہائی کورٹ ءُ ڈسٹرکٹ بار ایسوسی ایشن ءَ چہ پنجاب بار کونسل ءِ نوک گچین بوتگیں باسک آنی گوما گپ ءُ تران کنان ءَ کت۔ سید یوسف رضا گیلانی ءَ گوشت کہ وھدے من مزن وزیر بوتگ آں گڑا آئی ءَ وتی بنداتی گشتانک ءِ تہ ءَ یک ایگزیکٹو آرڈر ءِ وسیلگ ءَ عدلیہ بحال کتگ ات کہ جمہوریت ءُ آئین ءِ بالادستی ءِ جہد ءِ بھر ات۔ آئی ءَ گوشت کہ چارٹر آف جمہوریت ءِ تہ ءَ داتگیں نکات آنی رد ءَ آئین ءِ آمید گس ءِ جوڑ کنگ ءِ سر ءَ ھم تپاک کنگ بوتگ۔ ھمے رد ءَ 27می آئینی ترمیم ءَ چہ غیر آئینی وسیلگ ءَ صدر یا مزن وزیر ءِ کشگ ءِ دروازگ بند کنگ ءَ ھاسیں کرد پیلو کنت۔ چیئرمین سینیٹ ءَ گوشت کہ گوستگیں وھد ءَ حکومت ءُ مزن وزیر بے وسی ءَ چہ کشگ بوتگ اَنت کہ آئینی ترمیم ءِ وسیلگ ءَ بند کنگ ءِ وھد ءِ ضلورت اِنت۔ ناشرکاری ءِ ھوالگ ءَ تران کنان ءَ سید یوسف رضا گیلانی ءَ گوشت کہ مئے کش ءُ گور ءَ رودراتکی ءُ مغربی سیم سر آنی سر ءَ سیکورٹی چیلنج است انت، بھارت ءِ پراکسی جنگ ءُ اوگانستان ءَ ناشرکاری ءِ کار آنی سبب ءَ دمگ ءَ بے رھبندی گیش بوتگ وھدیکہ پاکستان ءَ مدام ناشرکاری ءِ ھلاپ ءَ زمہ واریں کرد پیلو کتگ۔ چیئرمین سینیٹ ءَ گیش گوشت کہ گوستگیں وھد ءَ پاکستان ءَ برجم داشتگیں انٹر پارلیمانی لوٹوکیں کانفرنس ءَ کہ ایشی ءِ تہ ءَ جتا جتائیں ملک آنی اسپیکر، ڈپٹی اسپیکر، پیسریگیں صدر ءُ پیسریگیں وزیر آنی بھر زوری بوتگ، سرجمیں دگنیا ءِ پارلیمنٹرین ءَ ناشرکاری ءِ سک باز مذمت کتگ ءُ پاکستان ءِ کرد ءِ ستا کرتگ۔ سینیٹ ءِ چیئرمین سید یوسف رضا گیلانی ءَ کانفرنس ءِ روچ ءَ اسلام آباد ءَ بوتگیں تراک ءَ چہ 12 گران بھائیں جانی بیرانی ءِ سر ءَ دلپدردی درشان کتگ ءُ گوشت کہ اے وئیل دگنیا ءِ واستہ یک مزنیں کلوہ ءِ بوتگ کہ ناشرکاری سرجمیں انسانیت ءِ واستہ ھترہ اِنت۔ چیئرمین سینیٹ ءَ گوشت کہ قانون سازی ھما وھد ءَ کارآمد بوت نہ کنت کہ ایشی ءِ سر ءَ عمل کنگ مہ بیت، حکومت ءُ اپوزیشن دوئیں آنی کرد المی اِنت۔ وانگ ءُ زانگ ءِ شوبگ ءِ گہتری ءِ واستہ وتی کوشست آنی ذکر کنان ءَ آئی ءَ گوشت کہ گیلانی لا کالج ءُ گیلانی اسکالرشپ ءِ جوڑ کنگ ءِ وسیلگ ءَ یک ارب کلدار سد نودربر آنی نیام ءَ بھر ءُ بانگ کنگ بوتگ۔ اسکالرشپ ءِ رستگیں بازیں نودربر وانگ ءُ زانگ ءِ پڑ ءَ جوانیں ھزمت کنگ ءَ اَنت ءُ گیلانی لا کالج ءَ پی ایچ ڈی ءِ پروگرام ھم جاری اِنت۔ دومی نیمگ ءَ چیئرمین سینیٹ ءَ پنجاب بار کونسل ءِ تر ءُ تاب ءِ دعوت من اِتگ ءُ گوشت کہ بار کانود ءِ حکمرانی ءِ واستہ ستون اِنت۔ اے موہ ءِ سر ءَ پنجاب ءِ بار کونسل ءِ نوکیں گچین بوتگیں باسک خواجہ قیصر بٹ، چوہدری محمد سعید، ملک خان لنگہ ءِ ھمراھی ءَ ہائی کورٹ بار ایسوسی ایشن ملتان ءِ صدر محمد اظہر خان مغل، جنرل سیکرٹری صفدر حسین سرسانا، صدر مگر ضلعی دو مکرے بار ایسوسی ایشن احمد ءُ چوہدری داؤد احمد ءُ ہائی کورٹ ءُ ڈسٹرکٹ بار ایسوسی ایشن ءِ ایگزیکٹو باسک ھم ھوار اتنت۔