بنجاھی وزیر جان سلامتی مصطفیٰ کمال ءَ  انقرہ بلینکٹ سٹی ہسپتال ءِ تر ءُ تاب

اسلام آباد۔24نومبر  (اے پی پی): وفاقی جان سلامتی ءِ وزیر مصطفیٰ کمال ءَ انقرہ بلینکٹ  شہر ءِ نادراھجاہ ءِ تر ءُ تاب کتگ۔ انقرہ شہر ءِ نادراھجاہ ءِ مزنیں کارمستراں مہمان آناں گوں گرمیں وش آتک کت۔ اے تر ءُ تاب 11می ترک میڈیکل ورلڈ کانگریس ءِ موہ ءَ بوتگ۔ وزارت جان سلامتی ءِ نیمگ ءَ جاڑی بوتگیں بیان ءِ رد ءَ اے تر ءُ تاب انقرہ ءَ 24 ءَ بگر داں 26 نومبر 2025ءَ برجاہ بیت، جان سلامتی ءِ وزیر مصطفیٰ کمال پاکستان ءِ نیمگ ءَ کنگ ءَ انت۔ تر ءُ تاب ءِ وھد ءَ وزیر جان سلامتی ءُ ایندگر ڈل آناں اسپتال ءِ کار ءُ کرد ءُ نوکیں درمان ءِ آسراتی آنی بابت ءَ سرپد کنگ بوت۔ ڈل ءَ را نادراھجاہ ءِ ھاسیں طبی شعبہ ءُ ھاسیں یونٹانی تر ءُ تاب ھم دیگ بوتگ کہ ایشی ءِ تہ ءَ نوکیں آسراتی ءُ نوکیں درمان ءِ رھبند پیش کنگ بوتگ اَنت۔ آئی ءَ را ترکی ءِ دیمروئی کنوکیں جان سلامتی ءِ نظام، نادراہ ءِ سر ءَ مرکوز ءُ ٹیکنالوجی ءِ ھمگرنچیں طبی آسراتی آنی بابت ءَ سرپدی دیگ بوتگ۔ وفاقی جان سلامتی ءِ وزیر مصطفی کمال ءَ جان سلامتی ءِ شوبگ ءَ پیشرفت ساڑاتگ ءِ وھد ءَ گوشت کہ اے رنگیں تبادلہ وت مہ وتی کمک ءِ نشانی انت۔ آ جان سلامتی ءِ شوبگ ءِ مھکم کنگ ءَ ھاسیں کرد پیلو کن اَنت۔ آ تجربہانی تبادلہ ءُ آیوکیں شراکت داری ءِ امکانات ءَ را گیش کنگ ءَ ہم کمک کن انت۔ اے موہ ءِ سر ءَ وزیر جان سلامتی ءِ ھمراھی ءَ وزیر جان سلامتی ءُ بھر زوریں ملک آنی مزن نمائندہ ھم ھوار بوتگ اَنت۔