اسپیکر قومی اسمبلی سردار ایاز صادق نا فیڈرل کانسٹیبلری ہیڈکوارٹرپشاورآ فتنۃ الخوارج آتا جلہو نا مذمت، سیکورٹی فورس آتے خراج تحسین

اسلام آباد۔ 24 نومبر (اے پی پی) اسپیکر قومی اسمبلی سردار ایاز صادق فیڈرل کانسٹیبلری ہیڈکوارٹر پشاور آ فتنۃ الخوارج آتا جلہو نا مذمت ءِ کرسا ہرمسٹ آ جلہو گیر آتے جہنمی کننگ و جلہو ءِ بے سہب کننگ آ سیکورٹی فورس آتے خراج تحسین پیش کرینے۔ قومی اسمبلی سیکرٹریٹ آن دوشنبے نادے آجاری بیان نا رداٹ او جلہو اٹی شہید مروک آ مسہ ایف سی شہید آتے خراج عقیدت پیش و اوفتا خاہوت آتون ہمدردی و ہڑزخواہی نا درشانی ءِ کرے۔ اوپارے کہ دہشت گردلغور کارروائی تیان قوم انا حوصلہ ءِ شیف شاغنگ کپسہ، دہشت گردی نا چٹفنگ کن قومی سیوت و یکجہتی المی ءِ، دہشت گرد آک تیناناپاک عزم اٹی اسُل سرسہب مفسہ۔ اونا پاننگ ئس کہ دہشت گردی نا پورو چٹفنگ اسکان دہشت گرد آتا برخلاف کارروائی برجاسلک، دشمن نا ہرسازش ءِ بے سہب کننگ کن مچ آ قوم یکجاءِ۔ اسپیکر پارے کہ ملک اٹی امن و سوگوی کن سیکورٹی فورس آک بے مٹ قربانی تسنو۔ اوشہید آتا درجہ غاتا بڑزی و ٹھپی تا زوت دراخ جوڑی کن دعاہم کرے۔