وزیراعظم محمد شہباز شریف نا ضمنی گچین کاری تیٹی مسلم لیگ (ن) نا اومیتدار آتے شاندار سرسہبی آ مبارکباد

اسلام آباد۔ 24 نومبر (اے پی پی) وزیراعظم محمد شہباز شریف ضمنی گچین کاری تیٹی قومی اسمبلی نا حلقہ این اے 104، این اے 18، این اے 96 و پنجاب اسمبلی نا حلقہ پی پی 115، پی پی 98 73 آن مسلم لیگ (ن) نا اومیتدار آتے شاندار سرسہبی آ مبارکبادی تسنے۔ دوشنبے نادے آپی ایم آفس نا میڈیا ونگ آن جاری بیان نا رداٹ وزیراعظم محمد شہباز شریف ضمنی گچین کاری تیٹی قومی اسمبلی نا حلقہ این اے 104فیصل آباد آن مسلم لیگ (ن) نا اومیتدار دانیال احمد، این اے 18 ہری پور آن مسلم لیگ (ن) نا اومیتدار بابر نواز خان ، این اے 96 فیصل آباد آن مسلم لیگ (ن) نا اومیتدار محمد بلال بدر، پنجاب اسمبلی نا حلقہ پی پی 115 فیصل آباد آن مسلم لیگ (ن) نا اومیتدار محمد طاہر پرویز، پی پی 98 فیصل آباد آن مسلم لیگ (ن) نا اومیتدار آزاد علی تبسم و پی پی 73 سرگودھاغان مسلم لیگ (ن) نا راہشون میاں سلطان علی رانجھا ءِ سرسہبی آ مبارکبادی ترسا پارینے کہ ضمنی گچین کاری تیٹی سرسہبی قائد محمد نواز شریف نا وژن، اونا بے مٹ کماشی و پارٹی کارندہ غاتا خواری نا سوب آن دوئی مس، ضمنی گچین کاری تیٹی سرسہبی وزیراعلیٰ پنجاب مریم نواز نا صوبہ نا الس نا شونداری کن دے و نن خواری آ الس نا پت انا عکاسی ءِ، بلاشبہ ضمنی گچین کاری تیٹی فتح مسلم لیگ (ن) نا السی خذمت نا جوزہ و حکومتی کارکڑد آ الس نا پت انا درشانی ءِ ۔ وزیراعظم محمد شہباز شریف پارے کہ ضمنی گچین کاری تیٹی الس مسلم لیگ (ن) نا السی خذمت ناجوزہ غا پت انا درشانی ءِ کرینے۔ اوپارے کہ مسلم لیگ (ن) نا کٹوک آ غٹ باسک آک تینا تینا حلقہ غاتا ترجمانی ءِ کرسا السی خذمت اٹ دے ونن خواری کیرہ۔