ہری پور ، حلقہ این اے 18 ضمنی گچین کاری، (ن) لیگ انا اومیتدار بابر نواز خان اسہ لکھ 63 ہزار 996 وونٹ ہلسا سرسہب

ہری پور۔ 24 نومبر (اے پی پی)  حلقہ این اے 18 ہری پور نا ضمنی گچین کاری تیٹی (ن) لیگ انا اومیتدار بابر نواز خان 163،996 وونٹ ہلسا سرسہب مس، قومی اسمبلی نا حلقہ این اے 18 ہری پور نا ضمنی گچین کاری تا سرکاری نتیجہ غاتا رداٹ غٹ 602 پولنگ اسٹیشن تیان مسلم لیگ (ن) نا اومیتدار بابرنواز خان 163،996 وونٹ دوئی کرسا سرسہبی دوئی کرینے، ریٹرننگ آفیسر نا کنڈآن جاری فارم 47 نا رداٹ اومیتدار شہرناز عمرایوب 120،220 وونٹ آتون ارٹ میکو و آزاد اومیتدار اسد عثمان 12723 وونٹ آتون مسٹ میکو نمبرآٹی ءِ، حلقہ ٹی کل 7،53،944 رجسٹرڈ ووٹرز ئسر، ضمنی گچین کاری تیکن الیکشن کمیشن نا کنڈآن 602 پولنگ اسٹیشن جوڑ کننگاسس، سرکاری نتیجہ غاتا رداٹ کل 317،342 وونٹ پول ہرافتیان 7826وونٹ گنتی آن خارج وخت اس کہ وونٹ بِٹنگ نا کچ 42.09 درسد مسنے۔