آئی ایم او اسمبلی ءُ کونسل ءِ گچین کاری ءَ بہر زورگ ءِ ھاتر ءَ وفاقی وزیر جنید انور چوہدری برطانیہ ءَ سر بوتگ

اسلام آباد۔23نومبر (اے پی پی): وفاقی وزیر برائے میری ٹائم محمد جنید انور چوہدری برطانیہ ءَ سر بوتگ اودا آ پاکستان ءِ نمائندگی ءَ میاں اوستمانی میری ٹائم آرگنائزیشن ءِ 34می اسمبلی ءُ آیوکیں آئی ایم او کونسل ءِ گچین کاری ءَ کنت۔ یک شمبے ءِ روچ ءَ ادا جاڑی بوتگیں بیان ءِ رد ءَ آئی ایم او ءِ تہ ءَ پاکستان ءِ سرگرمیں بھر زوری ملک ءِ گیش بوھوکیں دریائی توانائی ءُ پائیدار دیمروئی ءُ نوکیں بندرگاہ ءِ بنیات ءِ وسیلگ ءَ پاکستان ءَ را دمگی تجارتی ءُ دریائی سرمایہ کاری ءِ مرکز جوڑ کنگ ءِ جزم ءِ درشان اِنت۔ جنید انور چوہدری ءَ گوشت کہ میری ٹائم کار آنی تہ ءَ پاکستان ءِ سرگرمیں کرد آئی ءِ اسٹریٹجک اولیت آنی نمائندگی کنت، ایشی ءِ تہ ءَ دمگی رابطہ کاری ءَ را مھکم کنگ، بندرگاہ آناں اپ گریڈ کنگ ءُ نیلیں معیشت ءَ را دیمروئی دیگ ھوار اِنت۔ وفاقی وزیر ءَ گوشت کہ آئی ایم او کونسل ءِ باسک بوھگ پاکستان ءِ سمندری مفاد آناں دیمروئی دیگ، جھان ءِ سمندری ایمنی ءُ ایمنی ءَ را گہتر کنگ ءُ چاگردی رکھینگ ءِ میاں اوستمانی معیار آنی رد ءَ گامگیج کنگ ءَ ھاسیں کرد پیلو کنت۔ آئی ایم او اسمبلی کہ میاں اوستمانی میری ٹائم تنظیم ءِ مستریں پیسلہ کنوکیں فورم انت 24 نومبر ءَ بگر داں 3 دسمبر 2025 ءَ برجم دارگ بوھگ ءَ انت وھدے کہ کونسل ءِ گچین کاری 28 نومبر ءَ بنت۔ اے شورا کہ چہ 40 باسکیں ملکاں جوڑ بوتگ، اے تنظیم ءِ کارانی سرا نگرانی کنت۔ نوک گچین بوتگیں کونسل دسمبر ءَ وتی چیئرمین ءُ وائس چیئرمین گچین کنت۔ وفاقی وزیر برائے میری ٹائم افیئرز ءَ اے گپ ءِ سر ءَ زور پر دات کہ پاکستان میاں اوستمانی میری ٹائم کمک ءَ را گیش دیمروئی دیگ ءِ واستہ جزم انت ءُ اے گچین کاری مہم جھان ءِ میری ٹائم پالیشی آنی جوڑ کنگ ءَ برجاھیں ءُ موثر کرد ءَ را دل یکیمی کنگ ءِ کوشست آنی بھر انت۔