ادارگ ءِ صدر سید یوسف رضا گیلانی ءِ حضرت موسیٰ پاک شہید ءِ مزار ءِ تر ءُ تاب ءِ مول ءُ مراد مزار ءِ گیشینگ ءِ ھاتر ءَ برجاھیں منصوبگ ءَ را ترند کنگ بوتگ

ملتان ۔23نومبر (اے پی پی): ادارکی صدر سید یوسف رضا گیلانی ءَ حضرت موسیٰ پاک شہید ءِ مزار ءِ تر ءُ تاب کتگ ءُ مزار ءِ وسعت ءِ ھاتر ءَ برجاھیں منصوبگ ءَ را ترند کنگ ءِ سر ءَ زور پر داتگ۔ آئی ءَ مزار ءُ مسیت ءِ جتاجتائیں ھند ءُ دمگ آنی چار ءُ تپاس کت ءُ منصوبگ ءِ ھوالگ ءَ ڈپٹی کمشنر ملتان وسیم حمید سندھو ءَ گوں سرجمیں گپ ءُ تران کت۔ صدر ءِ کارگس ءِ پریس ونگ ءِ نیمگ ءَ چہ جاڑی بوتگیں بیان ءِ رد ءَ ادارگ ءِ صدر ءَ بنجاہی مزار ءِ ڈھانچہ ءِ تہ ءَ برانڈہ ءِ ھوار کنگ ءُ زوتاں چہ زوت مسیت ءِ جوڑیشت ءِ بندات کنگ ءَ ھوار سرجمیں توسیپ ءِ کار آناں سرجم کنگ ءِ سر ءَ زور پر دات۔ آئی ءَ منصوبگ ءِ توامیں پڑ آنی تہ ءَ تکنیکی ماہرین آنی ھزمت آناں دل یکیمی کنگ ءِ سر ءَ زور پر دات تانکہ کار ءَ را مزنیں کچ ءُ کساس ءِ تہ ءَ ءُ ٹھینگ بوتگیں وھد ءِ تہ ءَ سرجم کنگ بہ بیت۔ آئی ءَ مزار ءِ سیکورٹی بندوبست آنی سر ءَ ھم چار ءُ تپاسی کتگ ءُ المی ہدایت ھم داتگ اَنت۔ ڈپٹی کمشنر وسیم حمید سندھو ءَ ادارگ ءِ صدر ءَ را بریفنگ کنان ءَ گوشت کہ توسیپ ءِ منصوبگ ءِ سر ءَ زوت کار بندات کنگ بیت۔ اے موہ ءِ سر ءَ سجاد نشین سید ابوالحسن جمال الدین گیلانی، پیسریگیں ایم پی اے سید احمد مجتبہ گیلانی، ڈاکٹر جاوید صدیقی، اوقاف ءِ محکمہ ءِ ایڈمنسٹریٹر سید ایاز الحسن گیلانی ءُ سید فیاض الحسن گیلانی ھم ساڑی بوتگ اَنت۔