مزن وزیر شہباز شریف ءَ سرجمیں راج ءَ را مبارکی داتگ کہ پاکستانی ٹیم ءَ اسنوکر ورلڈ کپ ءَ جھان ءِ ٹائٹل گپت، لیب کنوکاں وش آتک کتگ

لاہور۔23نومبر (اے پی پی): مزن وزیر محمد شہباز شریف ءَ مسقط ءَ اسنوکر ورلڈ کپ ءَ پاکستانی ٹیم ءِ دراجیں سوبمندی ءُ ٹائٹل ءِ سر ءَ سرجمیں راج ءَ را مبارک بات داتگ ءُ کھڈکار آناں وش آتک کتگ۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر شہباز شریف ءَ محمد آصف ءُ اسجد اقبال ءِ جوانیں کارکردگی ءِ توسیپ کتگ۔ مزن وزیر ءَ گوشت کہ پاکستانی لیب ءَ مزنیں ھنر ءَ گوں ورلڈ کپ ءِ ٹائٹل گپت، منی ھواری ءَ سرجمیں راج مئے لیب ءِ سر ءَ پھر اِنت۔ مزن وزیر شہباز شریف ءَ گوشت کہ پاکستانی لیب کنوک وتی ازم ءَ چہ سرجمیں دگنیا ءَ ملک ءُ قوم ءَ نامدار کنگ ءَ انت ۔