نائب مزن وزیر اسحاق ڈار ءَ وزارت ءِ درئی کار ءَ پاکستان ءِ دری کارگس ءِ زالبولانی انجمن ءِ سالانہ خیراتی بازار ءِ بنگیج کت، چاگردی ھزمت ءِ ھاترا جارچین آنی جزم ءِ ساڑات کت

اسلام آباد۔23نومبر (اے پی پی): نائب مزن وزیر /درئی کارانی وزیر سینیٹر محمد اسحاق ڈار ءَ وزارت درئی کار ءَ پاکستان ءِ دری کارگس ءِ زالبول آنی انجمن ءِ سالانہ چیرٹی بازار ءِ بنگیج کت ءُ چاگردی ھزمت ءِ ھاترا جارچین آنی جزم ءِ ساڑات کت۔ یک شمبے ءِ روچ ءَ ایکس ءِ سر ءَ دری کارانی کارگس ءِ جارکش ءِ نیمگ ءَ جاڑی بوتگیں پوسٹ ءِ رد ءَ نائب مزن وزیر ءُ دری کارانی وزیر ءَ ھاسیں مہمان ءِ بستار ءَ وتی گشتانک ءِ تہ ءَ پی ایف اووا ءِ ھزمت ءِ جذبہ ، چاگردی شمولیت ءُ انسانی کار آنی واستہ دیریں جزم ءِ توسیپ کتگ۔ آئی ءَ چاگردی وشھالی ءِ واستہ فارن سروس کمیونٹی، سفارتی کور، رضاکار ءُ پی ایف او ڈبلیو اے ءِ سروکی ءِ سروکی ءُ ھزمت آناں ساڑات، ایشی ءِ تہ ءَ سرجمیں پاکستان ءَ نزوریں تک آنی کمک ھم ھوار اِنت۔ آئی ءَ دنیا ءِ جتا جتائیں دود ءُ ربیدگ ءُ ورگ آنی نمائش ءِ تہ ءَ متحرک اسٹال آنی ھم تر ءُ تاب کتگ۔ آئی ءَ اے ھاسیں مراگش ءِ سوبمندیں برجم دارگ ءِ سر ءَ پی ایف اووا ءَ را مبارک بات دات ءُ اے موہ ءِ سر ءَ درستیں بھر زوروک آناں یک وشیں ءُ بامردیں تجربگ ءِ واھشت مند کت۔