پاکستان ءَ دگنیا ءِ شرتریں ٹیلنٹ است انت، ورنا مئے رژنائیں باندات انت، اوژناگ یک انچیں لیب انت کہ ایشی ءِ تہا پاکستان نامداریں مقامے حاصل کت کنت، عطا اللہ تارڑ

اسلام آباد۔23نومبر (اے پی پی): وفاقی وزیر ءِ اھوالکاری ءُ شنگکاری عطا اللہ تارڑ ءَ نیشنل ایج سوئمنگ چیمپئن شپ ءَ ورنا تیراک آنی کارکردگی ءَ را ساڑاتگ ءُ گوشت کہ سوئمنگ چیمپئن شپ ءِ ھوالگ ءَ نہ ایوک ءَ پاکستان ءَ بلکینگ ءَ دگنیا ءَ ھم ورنا مئے رژنائیں آیوکیں باندات اَنت۔ پاکستان ءَ دگنیا ءِ جوانیں ٹیلنٹ است انت ۔ مزن وزیر شہباز شریف ءِ ھاسیں پنت ءُ شون ءِ سرا سوئمنگ پول ءَ را سرجمی ءَ نوک کنگ بیت ءُ لیب کنوکاں جھان ءِ درجہ ءِ آسراتی پجاری کنگ بیت۔ آئی ءَ اے ھیالانی درشانی یک شمبے ءِ روچ ءَ پاکستان اسپورٹس کمپلیکس ءَ 29می نیشنل ایج گروپ سوئمنگ چیمپئن شپ 2025 (بڑکیں) ءُ 24می نیشنل ایج گروپ سوئمنگ چیمپئن شپ 2025 (جنک) ءِ انعام بھر ءُ بانگ ءِ مراگش ءَ گوں تران کنان ءَ کت۔ وفاقی وزیر ءِ اھوالکاری ءَ گوشت کہ اوژناگ ءِ مقابلہ آنی تہ ءَ ورنا آنی نیمگ ءَ نہ ایوک ءَ بنجاہی تک ءَ بلکینگ ءَ میاں اوستمانی مقابلہ آنی واستہ پاکستان ءِ وشیں آیوکیں وھد ءِ جھلک پیش بوتگ۔ آئی ءَ مراگش ءِ جوانیں انتظام ءِ سر ءَ انتظامیہ ءَ را مبارک بات دات ءُ گوشت کہ انڈر 10، انڈر 12، انڈر 14 ءُ انڈر 16 ءِ درستیں زمرے ءِ جنک ءُ جنک آنی تہ ءَ مزنیں اسپورٹس مین شپ، محنت ءُ لگن ءِ درشانی کتگ۔ آئی ءَ مات ءُ پت آنی دلبڈی ءِ ھم ستا کرتگ ءُ گوشت کہ ورنائیں تیراک آنی دلبڈی ءُ کارکردگی ءِ تہ ءَ آھانی کمک ءَ مزنیں کردے پیلو کتگ۔ وفاقی وزیر ءِ اھوالکاری ءَ گوشت کہ پاکستان ءَ جھان ءِ درجگ ءِ ٹیلنٹ است اِنت، دمگی کوچ آناں ھم سرجمیں دگنیا ءَ وتی جوانی ءِ درشان کتگ۔ آئی ءَ اوژناگ کرن خان ءِ ھاسیں ذکر کت کہ آئی ءَ جھان ءِ تک ءَ جوانیں کارکردگی پیش داشتگ ءُ گوشت کہ اوژناگ یک انچیں کھیڈ اِنت کہ ایشی ءِ تہ ءَ پاکستان نامداریں بستار ءَ سر بوت کنت۔ آئی ءَ امیت سہرا کت کہ ملک ءِ باصلاحیتیں ورنا آیوکیں وھد ءَ ایساف گیمز، ایشیائی گیمز ءُ اولمپکس ءَ سر بنت ءُ پاکستان ءِ واستہ میڈل جوڑ کن اَنت ءُ دگنیا ءَ وتی نام ءَ جوڑ کن اَنت۔ عطا اللہ تارڑ ءَ سوئمنگ پول ءِ تہ ءَ آسراتی آنی ھوالگ ءَ گوشت کہ سوئمنگ پول ءِ استیں انفراسٹرکچر ءَ را جھان ءِ معیار ءِ رد ءَ نوکیں آسراتی آں گوں ھوار کنگ بیت۔ آئی ءَ جار جتگ کہ مزن وزیر شہباز شریف ءِ ھاسیں پنت ءُ شون ءِ رد ءَ سوئمنگ پول ءَ را سرجمی ءَ نوک کنگ بیت ءُ لیب کنوک آناں جھان ءِ درجہ ءِ آسراتی پجاری کنگ بیت۔ وفاقی وزیر ءَ گوشت کہ اے چیمپئن شپ ءَ ورنا آنی جذبہ، محنت، لگن ءُ مقابلہ ءِ جزبگ ستا کرز انت۔ آئی ءَ گوشت کہ ورنا لیب کنوک آنی جوانیں کارکردگی ءَ دل وتی نیمگ ءَ زرتگ اَنت ایشانی دست آنی تہ ءَ پاکستان ءِ آیوکیں باندات روشن گندگ ءَ کیت۔ ایشی ءَ چہ پیسر وفاقی وزیر ءِ اھوالکاری ءَ اوژناگ ءِ مقابلہ آنی تہ ءَ مزنیں کارکردگی پیش داشتگیں ورنائیں جنک ءُ بچک آنی تہ ءَ انعام بھر ءُ بانگ کتگ۔