ضمنی گچین کاری ءَ اکثریتی حلقہ آں تحریک انصاف ءِ بائیکاٹ انت، بائیکاٹ ءَ چہ مدام سیاسی تاوان رسیت، انشاءاللہ مسلم لیگ (ن) ءَ را ھاسیں گیشی یے بیت، عطا اللہ تارڑ

اسلام آباد۔23نومبر (اے پی پی): وفاقی وزیر ءِ اھوالکاری ءُ شنگکاری عطا اللہ تارڑ ءَ گوشت کہ ضمنی گچین کاری آنی وھد ءَ اکثریتی حلقہ آنی تہ ءَ تحریک انصاف ءِ بائیکاٹ بیت، سیاست ءَ بائیکاٹ نہ بیت، بائیکاٹ ءَ چہ مدام سیاسی تاوان رسیت۔ ضمنی گچینکاریاں ووٹ دیگ ءِ ھاترا درآھگ ءِ مردمانی سرکار ءِ کارکردگی ءِ سر ءَ وتی دلجمی ءِ درشان اِنت، انشاءاللہ مسلم لیگ (N) ءِ دیم ءَ ھاسیں گیشی یے رس اِیت۔ یک شمبے ءِ روچ ءَ ادا میڈیا ءَ گوں تران کنان ءَ وفاقی وزیر ءَ گوشت کہ مرچی یک سرجمیں دلبڈی ءِ روچ بوتگ۔ لاہور ءِ پولنگ کیمپانی تہا لس رش ءُ شور انت ءُ پولنگ اسٹیشنانی تہا مزنیں کساسے ءَ مردم گندگ بوہگ ءَ انت۔ آئی ءَ گوشت کہ ڈیرہ غازی خان ءَ مزنیں شہری، ورنا ءُ زالبول درست وتی لوگ آنی تہ ءَ چہ دراتکگ اَنت ءُ مزنیں کساسے ءَ وتی ووٹ داتگ اَنت۔ ہر طبقہ ءِ مردم دراتکگ انت ءُ وتی جمہوری حق ءَ کارمرز کنگ ءَ انت۔ وفاقی وزیر ءَ گوشت کہ اکثریتی حلقہ آنی تہ ءَ تحریک انصاف ءِ بائیکاٹ انت، سیاست ءَ بائیکاٹ نہ بیت، بائیکاٹ ءَ مدام سیاسی تاوان بیت۔ عطا اللہ تارڑ ءَ گشتگ کہ لاہور ءَ مسلم لیگ ن ءِ امید وار ءِ پوزیشن مھکم انت ءُ پولنگ ءِ وھد ءَ پارٹی ءِ ٹیم میدان ءَ سرگرم انت ۔ لاہور، فیصل آباد، ساہیوال ءُ ڈیرہ غازی خان ءَ مسلم لیگ ن ءِ گچینکاری سک دلبڈی ءِ گپ اِنت۔ آئی ءَ گوشت کہ ووٹر ھم کہ دیراں چپ بوتگ انت آ ھم چہ وتی گس ءَ دراتکگ انت۔ آئی ءَ اے گپ حکومت ءِ کارکردگی ءَ گوں بندوک کت ءُ گوشت کہ مزن وزیر شہباز شریف ءِ کارکردگی ءَ را راجی ءُ میاں اوستمانی تک ءَ منگ بوھگ ءَ انت وھدیکہ پنجاب ءِ سر وزیر مریم نواز ءَ صوبگ ءَ جوانیں کارکردگی پیش داشتگ۔ سرجمیں دگنیا ءَ پاکستان ءِ سلاھ بندیں اُرد ءِ صلاحیت منگ بوتگ ءُ پاکستان ءِ معیشت ساڑاھگ بوتگ ۔ آئی ءَ گوشت کہ منی گمان اِنت کہ مرچیگیں گچین کاری کارکردگی ءُ دیم دیگ ءِ گچین کاری بیت۔ دبئی ایئر شو ءَ بھارتی بالی گراب ءِ کپگ ءِ بابت ءَ جست کنگ ءِ وھد ءَ وفاقی وزیر ءِ اھوالکاری ءَ گوشت کہ اے وئیل ءِ پٹ ءُ پول برجاہ اِنت ءُ پٹ ءُ پول ءَ ابید گڈی رائے دیگ زوت بیت۔ آئی ءَ گوشت کہ اے وھد ءَ وئیل ٹیکنیکل ردی ءِ سبب ءَ بوتگ یا دگہ سبب ءَ اے گپ ءِ گشگ مشکل انت۔