وفاقی وزیر عطا اللہ تارڑ ءَ سیکرٹری جنرل ڈی 8 آسیاکا عبدالقادر امام ءَ گوں گند ءُ نند کتگ، سوشل میڈیا پلیٹ فارم آنی سر ءَ موثر حکمت عملی ءِ چیر دستی ءَ فیکٹ چیکنگ سسٹم ءِ جوڑ کنگ ءِ ضلورت ءِ سر ءَ زور پر داتگ

باکو۔22نومبر (اے پی پی): وفاقی وزیر اھوالکاری ءُ نشریات عطا اللہ تارڑ ءَ سوشل میڈیا پلیٹ فارمز ءِ سر ءَ موثر حکمت عملی ءِ چیر دستی ءَ فیکٹ چیکنگ سسٹم ءِ جوڑ کنگ ءِ ضلورت ءِ سر ءَ زور پر دات ءُ گوشت کہ جعلی ھال دگنیا ءِ مستریں چیلنج انت، ڈی 8 ءِ باسکیں ملک آناں وتی تپاک کتگیں میڈیا پالیشی ءِ وسیلگ ءَ ردیں ھال آنی ھلاپ ءَ جنگ کنگی انت۔ آئی ءَ اے گپ ادا اقتصادی کمک ءِ سیکرٹری جنرل ڈی 8 ءِ سفیر آسیاکا عبدالقادر امام ءَ گوں تران کنان ءَ کت۔ گند ءُ نند ءَ ڈی 8 ءِ باسکیں ملک آنی نیام ءَ وت مہ وتی کمک ءِ بابت ءَ ھاسیں رنگ ءَ میڈیا ءِ شوبگ ءَ سیادی، جعلی ھال ءُ اھوال ءُ اے دگہ ھاسیں جھان ءِ جیڈھ آنی سر ءَ ھیال ریچی کنگ بوت۔ وفاقی وزیر اھوالکاری ءَ گوشت کہ ڈی 8 ملک آنی یکجائی بیانیہ جعلی ھال آنی سر ءَ سرجمیں کنٹرول ءِ ھست نہ بوھگ ءَ مھکم نہ بیت، آھاں وتی تپاک کتگیں میڈیا پالیشی ءِ وسیلگ ءَ ردیں ھال آنی ھلاپ ءَ جنگ کنگی اِنت۔ گند ءُ نند ءَ ڈی 8 ملک آنی نیام ءَ دود ءُ ربیدگی سیادی آناں دیمروئی دیگ ءِ سر ءَ ھم سرجمی ءَ گپ ءُ تران کنگ بوت۔ وفاقی وزیر ءَ گوشت کہ دود ءُ ربیدگی کمک ءَ چہ دمگ ءَ ھمگرنچی ءُ جوانیں امیج ءِ دیمروئی بوت کنت، ءُ دود ءُ ربیدگ، رابطہ ءُ ٹیکنالوجی ءِ بھر ءُ بانگ ءِ وسیلگ ءَ ڈی 8 ملک آنی مردم آناں نزیک کنگ بوت کنت۔ وفاقی وزیر اھوالکاری عطا اللہ تارڑ ءَ ڈی 8 ءِ سیکرٹری جنرل ءِ جہانی تک ءَ اقتصادی دیمروئی ءُ دمگی امن ءِ ھاتر ءَ موثر کرد ءِ توسیپ کنان ءَ گوشت کہ آئی ءِ رہشونی ءُ تجربگ ڈی 8 ءِ مول ءُ مراد آنی پیلو کنگ ءَ سرجمیں کرد پیلو کنت۔ سیکرٹری جنرل سفیر آسیاکا عبدالقادر امام ءَ گوشت کہ ڈی 8 ءِ باسکیں ملک آنی سوبمندی ءِ سر ءَ بندوک اِنت کہ آ یکے دومی ءِ دیمروئی ءَ کجام کساس ءَ کمک کن اَنت۔ یک ءِ دومی ءِ تجروبت آں چہ دربرگ، میڈیا ءِ شوبگ ءَ یکجائی ٹریننگ ءُ ورکشاپ برجم دارگ ناگزیر انت۔ آئی ءَ گیش گوشت کہ ڈی 8 پلیٹ فارم ءِ سر ءَ کمک ءَ را گیش مھکم کنگ لوٹ ایت تانکہ جھان ءِ تک ءَ یک مھکمیں، جوانیں بیانیہ ءِ جوڑ کنگ بہ بیت۔