نائب مزن وزیر اسحاق ڈار ءَ برونائی دارالسلام ءِ دومی دری کارانی وزیر ءَ گوں گند ءُ نند کتگ، جتا جتائیں پڑ آنی تہ ءَ دو نیمگی سیادی آناں گیش دیمروئی دیگ ءِ سر ءَ تپاک کتگ

برسلز۔22نومبر (اے پی پی): نائب مزن وزیر ءُ دری کارانی وزیر سینیٹر اسحاق ڈار ءَ برونائی داروسلم ءِ دری کارانی دومی وزیر داتو سری سیتیہ حاجی ایریوان بن پہہن داتو پیکرما جیا حاجی محمد یوسف ءَ گوں چارمی وزیر یورپی یونین ءِ دیوان ءِ ساھت ءَ گند ءُ نند کت۔ دوئیں رہشون آں وت مہ وتی دلچسپی ءِ جیڈھ آنی سر ءَ تران کت۔ شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ نائب مزن وزیر/درئی کارانی وزیر ءَ پاکستان ءُ برونائی دارالسلام ءِ نیام ءَ دو نیمگی سیادی ءِ ارزشت ءِ سر ءَ زور پر دات ءُ ایشی ءَ را گیش مھکم کنگ ءِ واستہ وتی جزم ءِ پدا زور دات۔ دوئیں رہشوناں پاک برونائی ءِ مھکمیں کمک ءِ توسیپ کت ءُ تجارت، سیل ءُ سواد، رابطہ کاری، آئی ٹی ءُ وانگ ءُ زانگ ءَ ھوار جتا جتائیں پڑ آنی تہ ءَ دو نیمگی سیادی ءَ را گیش دیمروئی دیگ ءِ سر ءَ تپاک کت۔