مزن وزیر شہباز شریف ضلع بنوں ءَ فتنہ الخوارج ءِ ناشرکارانی حلاف ءَ سوبمندیں آپریشن ءِ پد ءَ سیکورٹی فورسز ءَ را شگر ءُ منت گپت

لاہور۔22نومبر (اے پی پی): مزن وزیر محمد شہباز شریف ءَ ضلع بنوں ءَ فتنہ الخوارج ءِ ناشرکار آنی ھلاپ ءَ سوبمندیں آپریشن ءِ واستہ سیکورٹی فورسز ءَ را شگر ءُ منت گپت ءُ گوشت کہ آ ملک ءَ چہ ھمک رنگ ءِ ناشرکاری ءَ را سرجمی ءَ ھلاس کنگ ءِ واستہ جزمیگ اَنت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ آپریشن ءِ تہ ءَ 8 فتنہ الخوارج ناشرکار آنی کوش ءِ سر ءَ سیکورٹی فورسز ءِ توسیپ کتگ۔ مزن وزیر شہباز شریف ءَ گوشت کہ جزم ءُ استحکام ءِ وژن ءِ چیر دستی ءَ سیکورٹی فورسز ناشرکاری ءِ ھلاپ ءَ مزنیں سوبمندی یے رسگ ءَ اَنت، سرجمیں راج ناشرکاری ءِ ھلاپ ءَ اے جنگ ءَ پاکستانی فورسز ءِ ھمراھی ءَ اوشتاتگ اَنت۔ مزن وزیر ءَ گوشت کہ آ ملک ءَ چہ ھمک رنگ ءِ ناشرکاری ءَ را سرجمی ءَ ھلاس کنگ ءِ واستہ جزمیگ آں۔