ریلوے ءِ نظام ہر ملک ءِ معیشت ءُ رابطہ ءِ سرین ءِ ہڈ انت، ریلوے ءِ نظام ءِ بحالی ءِ ھاتر ءَ چست کتگیں گامگیج ستا کرز انت، مزن وزیر محمد شہباز شریف

اسلام آباد۔22نومبر  (اے پی پی):مزن وزیر محمد شہباز شریف ءَ گوشت کہ ریلوے ءِ نظام کجام ھم ملک ءِ معیشت ءُ رابطہ ءِ سرینءِ ھڈ اِنت، ریلوے ءِ نظام ءِ بحالی ءِ نیمگ ءَ چست کتگیں گامگیج ستا کرز اَنت۔ مزن وزیر محمد شہباز شریف ءِ سروکی ءَ پاکستان ریلوے ءِ معاملہ آنی ھوالگ ءَ یک ھاسیں دیوان ءِ برجم دارگ بوت ایشی ءِ تہ ءَ مزن وزیر ءَ پاکستان ریلوے ءِ بحالی ءُ نوک کنگ ءِ واستہ ریلوے ءِ وزیر حنیف عباسی ءُ آئی ءِ ٹیم ءِ توسیپ کت۔ مزن وزیر ءَ پاکستان ریلوے ءِ واستہ ھاسیں رنگ ءَ دمگی رابطہ ءُ میاں اوستمانی ٹرین لنک منصوبگ آنی واستہ میاں اوستمانی معیار ءِ کانود ءُ اقتصادی ماہرین آنی ازمت آنی لوٹ کنگ ءِ ہدایت کتگ۔ مزن وزیر ءَ ریلوے ئِ جائیداد ئُُ زمین ئِ معاملہ آنی واستہ سرکاری پرائیویٹ پارٹنر شپ ماڈل ئِ زورگ ئِ ہدایت کت ئُُ دیوان ءَ پاکستان ریلوے ئِ گہتری ئِ واستہ چست کتگیں گامگیج آنی ھوالگ ءَ سرجمیں بریفنگ ئِ دات۔ اے موہ ءِ سر ءَ سرپد کنگ بوت پاکستان ریلوے ءِ ڈیجیٹل کنگ ءِ ھوالگ ءَ "رباط” ءِ 7 ڈیجیٹل پورٹل کار کنگ ءَ اَنت، 56 ٹرین رباط ءَ دیم دیگ بوتگ اَنت، وھدیکہ 54 ریلوے اسٹیشن ڈیجیٹل کنگ بوتگ اَنت، کراچی ءِ ریلوے اسٹیشن آنی سر ءَ مفت وائی فائی ءِ آسراتی پجاری کنگ بوتگ، لاہور، راولپنڈی، فیسا باد ءَ فری وائی فائی ءِ آسراتی پجارینگ بوتگ۔ ریلوے اسٹیشناں تاں اے سال ءِ 31دسمبر ءَ تاں فریٹ آن لائن بکنگ سسٹم بندات کنگ بوتگ، کراچی سٹی ریلوے اسٹیشن ءَ چہ ڈیجیٹل وزن پل ءِ پائلٹ پروجیکٹ بندات کنگ بوتگ، آیوکیں بھر ءَ اے آسراتی پپری، کراچی کینٹنمنٹ، پورٹ قاسم، لاہور ءُ راولپنڈی ءِ ریلوے اسٹیشن آناں ھم دیگ بیت۔ راولپنڈی ریلوے اسٹیشن ءَ مصنوعی ذہانت ءِ گوما کار کنوکیں 148 نگرانی کیمرہ ایر کنگ بوتگ انت ءُ ریلوے اسٹیشن آنی سر ءَ بینک آنی اے ٹی ایم مشین ایر کنگ بوھگ ءَ انت، ریلوے اسٹیشن آنی صفائی ءِ معیار ءَ را گہتر کنگ ءِ واستہ آؤٹ سورسنگ کنگ بوتگ۔ مسافر آنی سہولت ءِ ھاتر ءَ ریلوے اسٹیشن۔ گند ءُ نند ءَ گوشگ بوت کہ ریلوے اسٹیشن آنی سر ءَ وردن ءُ وراک ءِ پجاری ءَ را گہتر کنگ ءِ واستہ چاریں صوبگ آنی وردن ءُ وراک ءِ واکدار آناں رسائی دیگ بوتگ۔ چار ٹرین آؤٹ سورس کنگ بوتگ انت، وھدیکہ اے درگت ءَ اشتہار شنگ کنگ بوتگ کہ زوت دگہ 11 ٹرین آؤٹ سورس کنگ بنت۔ اے آؤٹ سورسنگ ءِ سبب ءَ 8.5ارب کلدار ءِ گیشیں آمدنی ءِ گمان اِنت۔ 40 سامان ءُ بریک وین ھم آؤٹ سورس کنگ بوتگ انت ایشی ءِ سبب ءَ 820 ملین کلدار ءِ گیشیں آمدنی ءِ گمان انت۔ 2 کارگو ایکسپریس ٹرین ھم آؤٹ سورس کنگ بوھگ ءَ انت ایشی ءِ سبب ءَ 6.3ارب کلدار ءِ گیشیں آمدنی ءِ گمان انت۔ لاہور، کراچی، ملتان، پشاور، کوئٹہ ءُ سکھر ءَ ریلوے ہسپتال آنی آؤٹ سورسنگ ءِ سر ءَ کار بوھگ ءَ اِنت ءُ ریلوے اسکول، کالج ءُ ریسٹ ہاؤس آنی آؤٹ سورسنگ ءِ سر ءَ ھم کار بوھگ ءَ اِنت۔ گند ءُ نند ءِ ساھت ءَ گوشگ بوت کہ لاہور، اسلام آباد ءُ آزاخیل ءَ ریلوے ءِ ھشکیں بندرگاہ ھم آؤٹ سورس کنگ بوھگ ءَ انت، 155 ریلوے اسٹیشن شمسی توانائی ءَ بدل کنگ بوتگ انت، ریلوے کنسٹرکشنز پاکستان لمیٹڈ، پاکستان ریلوے فریٹ ٹرانسپورٹیشن کمپنی ءُ پاکستان ریلوے ءِ ایڈوائزری اینڈ کنسلٹن ءِ منصوبہ بندی کنگ بوتگ۔ ریلوے ءِ کراچی کوٹری سیکشن ءُ مین لائن سوم ءِ رد ءَ تھر ریل کنکٹیویٹی منصوبگ ءِ ھوالگ ءَ سندھ حکومت ءِ گوما کار کنگ بیت، اسلام آباد تہران استنبول ٹرین زوت بندات بیت ءُ قزاقستان ازبکستان اوگانستان منصوبگ ءِ ھوالگ ءَ ھم بنداتی کار کنگ بوھگ ءَ اِنت۔ پاک ریلوے ءِ معاملہ آنی بابت ءَ اے ھاسیں دیوان مزن وزیر گس اسلام آباد ءَ مزن وزیر محمد شہباز شریف ءِ سروکی ءَ بوت۔ گند ءُ نند ءَ ریلوے ءِ وفاقی وزیر حنیف عباسی، اقتصادی امور ءِ وفاقی وزیر احد خان چیما ءُ سیادی داروکیں مزنیں حکومتی کارندہ آنی بھر زوری بوتگ۔