یورپی یونین ءِ ہند پیسفک ءِ وزارتی فورم ءِ ساھت ءَ نائب مزن وزیر سینیٹر محمد اسحاق ڈار ءَ مالدیپ ءِ درئی کارانی وزیر ءَ گوں گند ءُ نند کتگ

برسلز ۔22نومبر (اے پی پی): یورپی یونین ءِ ہند پیسفک ءِ وزیرانی فورم ءِ ساھت ءَ نائب مزن وزیر ءُ دری کارانی وزیر سینیٹر محمد اسحاق ڈار ءَ مالدیپ ءِ دری کارانی وزیر عبداللہ خلیل ءَ گوں گند ءُ نند کت۔ شمبے ءِ روچ ءَ درئی کارانی کارگس ءِ رد ءَ دوئیں وزیر آنی نیام ءَ تجارت، رابطہ ءُ موسمیاتی ردوم ءِ تہ ءَ دو نیمگی کمکی شریکداری ءَ را گیش گیش کنگ ءِ سر ءَ تپاک کنگ بوتگ۔ آہاں مشترکہ اولویت آناں گیش دیم ءَ برگ ءِ واستہ کثیر جہتی پلیٹ فارمز ءِ وسیلگ ءَ باقاعدہ رابطہ برجائی ءِ سرا زور پر دات۔