وفاقی وزیر داخلہ محسن نقوی ءَ فیصل آباد ءَ یک کارجاہے ءَ بوائلر ءِ تراک ءِ دردناکیں  وئیل ءِ سر ءَ دلپدردی ءِ درشانی

اسلام آباد۔21نومبر  (اے پی پی): وفاقی تہی کارانی وزیر محسن نقوی ءَ فیصل آباد ءَ کارجاہ ءِ بوائلر ءِ تراک ءِ دردناکیں  وئیل ءُ جانی تاوان ءِ سر ءَ دلپدردی ءِ درشانی کتگ۔ وزارت داخلہ ءِ نیمگ ءَ جمعہ ءِ روچ ءَ جاڑی بوتگیں بیان ءِ رد ءَ آئی ءَ گران بھائیں انسانی جانانی بیرانی ءِ سر ءَ سک باز رنج ءُ گم ءِ درشانی کتگ ءُ بیران بوتگیں مردمانی کھول ءِ گوما دل ءِ تہ ءَ ھمدردی ءُ دلپدردی ءِ درشانی کتگ۔ آئی ءَ گوشت کہ آ یک پیم ءَ اے غمناکیں وئیل ءَ بیران بوتگیں مردمانی کھول ءِ غم ءَ شریک اِنت، درستیں ھمدردی بیران بوتگیں مردمانی کھول ءِ گوما اِنت، ءُ اے غمناکیں وئیل ءَ بیران بوتگیں مردمانی بیرانی ءَ چہ سک باز دلپدرد اِنت۔ تہی کارانی وزیر محسن نقوی ءَ ٹپیگ آنی زوت جان سلامتی ءِ دعا کتگ۔