نائب مزن وزیر ءُ دری کارانی وزیر سینیٹر محمد اسحاق ڈار ءَ سری لنکا ءِ نائب دری کارانی وزیر ارون ہیماچندرا  ءَ گوں گند ءُ نند

برسلز۔21نومبر  (اے پی پی):نائب  مزن وزیر ءُ دری کارانی وزیر سینیٹر محمد اسحاق ڈار ءَ سری لنکا ءِ دری کارانی نائب وزیر ارون ہیماچندرا  ءَ گوں گند ءُ نند کتگ ءُ مزن تک ءِ تبادلہ ءِ وسیلگ ءَ دو نیمگی سیادی ءَ را گیش مھکم کنگ ءِ سر ءَ تپاک کتگ۔ جمعہ ءِ روچ ءَ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ اے گند ءُ نند برسلز ءَ برجم داشتگیں چارمی یورپی یونین ءِ ہندو پیسفک وزارتی فورم ءِ ساھت ءَ بوتگ۔ دوئیں بامرد آں پاکستان ءُ سری لنکا ءِ نیام ءَ براتی سیادی آناں دیمروئی دیگ ءِ سر ءَ زور پر دات۔ دوئیں رہشون آں مزن تک ءِ تبادلہ ءِ وسیلگ ءَ دو نیمگی سیادی ءَ را گیش مھکم کنگ ءِ سر ءَ تپاک کت ءُ تجارت، سرمایہ کاری، سیل ءُ سواد، دود ءُ ربیدگ، وانگ ءُ زانگ، دفاع، کشت ءُ کشاری ءُ انسانی وسائل ءِ دیمروئی ءَ ھوار جتا جتائیں شوبگ آنی تہ ءَ کمک ءَ را گیش کنگ ءِ سر ءَ تران کت۔ دوئیں ملک آں وت مہ وتی ءُ باز نیمگی فورم آنی تہ ءَ نزیکیں کمک ءِ برجاہ دارگ ءِ سر ءَ تپاک کتگ۔