چیئرمین جوائنٹ چیفس آف اسٹاف کمیٹی جنرل ساحر شمشاد مرزا ءَ نیول ہیڈ کوارٹر اسلام آباد ءِ الوداعی تر ءُ تاب کتگ

راولپندی- 20 (اے پی پی): جوائنٹ چیفس آف اسٹاف کمیٹی ءِ چیئرمین جنرل ساحر شمشاد مرزا ءَ نیول ہیڈ کوارٹر اسلام آباد ءِ الوداعی تر ءُُ تاب کت۔ اے تر ءُ تاب ءِ وہد ءَ پاک بحریہ ءِ سروک ایڈمرل نوید اشرف ءَ گوں گند ءُُ نند کت۔ پنچ شمبے ءِ روچ ءَ انٹر سروسز پبلک ریلیشنز ءِ نیمگ ءَ جاڑی بوتگیں بیان ءِ رد ءَ چیئرمین جوائنٹ چیفس آف اسٹاف کمیٹی ءَ پاک بحریہ ءِ جنگی تیاری ءُ ملک ءِ دریائی سیم سر آنی رکھینگ ءِ واستہ آئی ءِ مھکمیں عزم ءِ توسیپ کتگ۔ نیول اسٹاف ءِ سروک ءَ سئیں سلاہ بندیں اُرد آنی نیام ءَ یکجائی کمک ءَ را گیش مھکم کنگ ءِ تہ ءَ ھاسیں کرد پیلو کنگ ءِ سر ءَ چہ کار ءَ درکپوکیں چیئرمین جوائنٹ چیفس آف اسٹاف کمیٹی ءِ منت گپت۔ ایشی ءَ چہ پیسر جوانیں پوشاکیں دستہ ءَ نیول ہیڈ کوارٹر ءَ سر بوھگ ءِ وھد ءَ چیئرمین جوائنٹ چیفس آف اسٹاف کمیٹی ءَ را گارڈ آف آنر پیش کتگ