نائب مزن وزیر اسحاق ڈار ءَ یورپی یونین ءِ میاں اوستمانی کمک ءِ کمشنر جوزف سیکلا ءَ گوں گند ءُ نند

برسلز۔20نومبر  (اے پی پی): برسلز ءَ نائب مزن وزیر ءُ درئی کارانی وزیر استراچو محمد اسحاق ڈار ءَ یورپی یونین ءِ میاں اوستمانی کمک ءِ کمشنر جوزف سیکلا ءَ گوں گند ءُ نند کت۔ پنچ شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ گند ءُ نند ءِ ساھت ءَ دوئیں نیمگ ءَ پاکستان ءُ یورپی یونین ءِ نیام ءَ وت مہ وتی سیت ءِ توامیں شوبگ آنی تہ ءَ کمک ءِ سر ءَ ھیال ریچی کنگ بوتگ۔ ایشاں گیش موثر ءُ بامردیں کمک ءِ دیمروئی ءِ سرا زور پر دات۔ اے گپ ءِ سر ءَ تپاک کنگ بوت کہ یورپی یونین ءِ ’’گلوبل گیٹ وے پروگرام‘‘ ءِ چیر دستی ءَ جتا جتائیں فریم ورک ءِ چیر دستی ءَ پاکستان ءُ یورپی یونین ءِ کمک ءَ را مھکم کنگ ءِ امکانات آنی سر ءَ چار ءُ تپاسی کنگ بیت ءُ پاکستان ءَ یورپی سرمایہ کاری بینک ءِ پاد ءِ نشان ءَ را گیش مھکم کنگ ءِ موہ آناں پٹ ءُ پول کنگ بیت۔ گند ءُ نند ءَ پاکستان ءُ یورپی یونین ءِ وتی شریکداری ءَ را گیش گہتر کنگ ءُ برجمیں دیمروئی ءُ اقتصادی وشھالی ءِ واستہ وتی یکجائی کوشست آناں برجاہ دارگ ءِ جزم ءِ یکوئی ءِ پدا پدر کنگ بوت۔