پاکستان  "کیریک ڈیجیٹل کوریڈور”  ءِ تجویز ءَ را سک باز ارزشت دنت، وفاقی وزیر مواصلات عبدالعلیم خان

بشکیک۔20نومبر  (اے پی پی): مواصلات ءِ وفاقی وزیر عبدالعلیم خان ءَ گوشت کہ پاکستان کیرک 2030 ءِ میان مدتی چار ءُ تپاسی ءَ را عملی گامگیج آنی تہ ءَ بدل کنگ ءِ واستہ جزم انت، پاکستان "کیریک ڈیجیٹل کوریڈور”  ءِ تجویز ءَ را سک باز ارزشت دنت۔ پنچ شمبے ءِ روچ ءَ وزارت ءِ مواصلات ءِ نیمگ ءَ جاڑی بوتگیں بیان ءِ رد ءَ عبدالعلیم خان ءِ سروکی ءَ پاکستانی ڈل ءَ بیست ءُ چارمی کیرک وزارتی کانفرنس ءَ بھر زرتگ۔ وزارتی دیوان ءِ میزبانی ءَ ایشیائی دیمروئی بانک ءَ جمہوریہ کرغزستان ءِ بنجاھی شھر بشکیک ءَ برجم داشتگ۔ وفاقی وزیر برائے مواصلات عبدالعلیم خان ءَ ایشیائی دیمروئی بینک ءِ سروکی ءِ ھاسیں منت واری ءِ درشانی کنان ءَ گوشت کہ اے ڈی بی ءِ سروکی ءَ پاکستان ءُ خطہ ءِ کمکی ایجنڈا ءِ واستہ برجاھی کمک پجاری کتگ۔ آئی ءَ گوشت کہ اے سال ءِ بنگپ ”سبز ءُ ڈیجیٹل کیرک“ دمگ ءِ پائیدار، آب و ہوا ءِ رد ءَ ایمن ءُ یکے دومی ءَ گوں بندوکیں آیوکیں وھد ءِ یکجائی ءِ ھیال ءِ درشان اِنت۔ اے سال ءِ بنگپ پاکستان ءِ راجی اولویت سبزیں دیمروئی، کم کاربن ءِ معیشت ءُ ڈیجیٹل دیمروئی ءِ گوما سرجمی ءَ ھمگرنچ اِنت۔ عبدالعلیم خان ءَ گوشت کہ پاکستان کیریک 2030 ءِ میان مدتی چار ءُ تپاسی ءَ را کارروائی ءِ لائکیں گامگیج آنی تہ ءَ بدل کنگ ءِ واستہ جزم اِنت۔ پاکستان ٹرانسپورٹ، ڈیجیٹلائزیشن ءُ تجارت ءِ شوبگ آنی تہ ءَ جوڑ بوتگیں ایکشن پلان ءُ نوکیں حکمت عملی آناں وش اتک کنت۔ لینڈ پورٹ اتھارٹی ایکٹ 2025 ءِ نفاذ، ٹی آئی آر / ای ٹی آئی آر ءِ نظام ءِ توسیپ کہ ایمن ءُ بے کاگدیں سرحد ءِ سرا تجارت ءِ اہل جوڑ کنت۔ وفاقی وزیر ءَ گوشت کہ یکیں ونڈو ءِ وسیلگ ءَ الیکٹرانک سرٹیفکیٹ آنی جاری کنگ، ءُ ٹرانسپورٹ ءِ ھک ءِ دیمروئی پاکستان ءِ معیشت ءَ شفافیت، تیزی ءُ مالی شمولیت ءَ را گیش کنگ ءَ انت۔ ما پاکستان ءَ را یک مھکمیں، اصلاحات ءِ سرا مبنی ءُ ڈیجیٹل معیشت ءِ نیمگ ءَ برگ ءَ ایں ۔ وفاقی وزیر عبدالعلیم خان ءَ گوشت کہ پاکستان ’’کیئرک ڈیجیٹل کوریڈور‘‘ ءِ تجویز ءَ را سک باز ارزشت ءَ دنت۔ پاکستان اے منصوبگ ءِ فزیبلٹی، ڈیزائن ءُ ایندگر تک آنی سر ءَ ایشیائی دیمروئی بینک ءُ دلگوشیں باسکیں ملک آنی گوما نزیکی ءَ گوں کمک کنگ ءَ تیار اِنت۔ آئی ءَ کیریکوم ڈیجیٹل راہداری ءَ را گیش کنگ ءِ واستہ یکجائی کارگس ءِ جوڑ کنگ ءِ تجویز داتگ ءُ ”آب و ہوا ءُ پائیداری منصوبگ ءِ تیاری فنڈ (سی ایس پی پی ایف)“ ءِ جوڑ کنگ ءِ وش آتک کتگ۔ آئی ءَ گوشت کہ اے فنڈ کاری کام ءِ دمگ ءَ موسمیاتی تابکاری ءَ را مھکم کنگ ءِ واستہ سک باز ھاسیں سنگ میل اِنت۔ پاکستان ءَ موسمی بدلی ءِ ھوالگ ءَ مزنیں جیڈھ آنی دیمپان انت۔ موسم ءِ شدیدیں وئیل زند، بنیاتی ڈھانچہ ءُ اقتصادی دیمروئی ءَ را متاثر کنت۔ آئی ءَ یکجائی چاگردی مول ءُ مراد آنی سر ءَ سر بوھگ ءِ واستہ اے ڈی بی ءِ کاروائی آنی سر ءَ زور پر دات ءُ گوشت کہ یک ھاسیں آسر ءِ سر ءَ بنیات ءِ ڈیش بورڈ ءِ وسیلگ ءَ وزیر ءُ راجی فوکل پوائنٹ آناں باقاعدہ پیشرفت ءِ رپورٹ پجارینگ سک باز المی اِنت۔ اجتماعی کوشست، نوآبادیاتی ءُ پائیدار دیمروئی ءِ وسیلگ ءَ دمگ ءَ یکجاھیں، تابکار ءُ وشھالیں آیوکیں وھد ءِ رسگ ءِ ھاتر ءَ دیم ءَ اتک کنت۔ پاکستان کاریکام ءِ ملک آنی گوما نزیکی ءَ کار کنگ ءَ برجاہ دار ایت۔ آئی ٹی ءُ ٹیلی کمیونیکیشن ءِ وفاقی وزیر شزہ فاطمہ خواجہ ءَ ھم پاکستانی ڈل ءِ گوما کانفرنس ءَ بھر زوری کت۔