زھگانی وانگ ءُ زانگ، جان سلامتی، رکھینگ ءُ وشھالی ریاست ءُ چاگرد ءِ اولی ترجی آنی تہ ءَ ھوار بہ بنت، ادارکی صدر سید یوسف رضا گیلانی ءِ جہانی زھگانی روچ ءِ درگت ءَ کلوہ

اسلام آباد۔20نومبر  (اے پی پی): ادارکی صدر سید یوسف رضا گیلانی ءَ اے گپ ءِ سر ءَ زور پر دات کہ زھگ آنی وانگ ءُ زانگ، جان سلامتی، رکھینگ ءُ وشھالی ریاست ءُ چاگرد ءِ اولی ترجی آنی تہ ءَ ھوار بہ بنت۔ پنچ شمبے ءِ روچ ءَ صدر ءِ مملکت کارگس ءِ پریس ونگ ءِ رد ءَ آئی ءَ یونیورسل چائلڈ ڈے ءِ موہ ءَ وتی کلوہ ءِ تہ ءَ اے ھیالانی درشانی کت۔ زھگ کجام ھم راج ءِ ارزشتی ایں مڈّی اَنت ءُ رژنائیں باندات ءِ امیت اَنت۔ ادارکی صدر ءَ گوشت کہ حکومت زھگ آنی جوانیں آیوکیں وھد ءِ واستہ ھمک رنگ ءِ گامگیج کنگ ءَ اِنت، ایشی ءِ تہ ءَ کانود سازی، ادارگی اصلاحات ءُ پالیسی ءِ تک ءَ مزنیں پیشرفت ھوار اِنت۔ آئی ءَ گوشت کہ زھگ آنی ھک آنی رکھینگ ءُ آوانی گہبود ءِ رکھینگ ءِ واستہ جتاجتائیں پارلیمانی دیوان سرگرمیں کرد پیلو کنگ ءَ انت۔ سید یوسف رضا گیلانی ءَ اے گپ ءِ سر ءَ ھم زور پر دات کہ زھگانی وانگ ءُ زانگ یک مشترکہ ذمہ واری یے کہ ایشی ءِ تہ ءَ مات ءُ پت، استاد، وانگ ءُ زانگ ءِ ادارگ ءُ چاگرد درستاں وتی کرد ءَ را جوانیں رنگ ءَ پیلو کنگی اِنت۔ آئی ءَ گوشت کہ ایمن، وانندہ ءُ دل یکمی زھگ پاکستان ءِ مھکم ءُ روشنیں باندات ءِ ضمانت انت۔ ادارکی صدر ءَ دل یکیمی دات کہ ریاست زھگ آنی ھک ءُ آوانی وشھالی ءِ سرجمیں رکھینگ ءِ واستہ ھرچ وڑیں گامگیج زورگ ءَ برجاہ اِنت ءُ اے درگت ءَ کوشست آناں گیش گہتری آرگ بوھگ ءَ اِنت۔