شزہ فاطمہ خواجہ نا کیرک وزارتی کانفرنس اٹی بشخ ہلنگ تون اوار اہم شخصیت آتون اوڑدہی

بشکیک۔ 20 نومبر (اے پی پی) بنجائی وزیر انفارمیشن ٹیکنالوجی و ٹیلی کمیونیکیشن شزہ فاطمہ خواجہ کرغستان نا دورہ ٹی کیرک وزارتی کانفرنس اٹی بشخ ہلنگ تون اوار اہم شخصیت آتون اوڑدہی کرینے ہراٹی او علاقائی ڈیجیٹل کمکاری، کنیکٹیویٹی و زرکاری نا وارخواہی آ پاکستان نا موقف ءِ پیش کرے۔ پنچ شنبے نادے آ وزارت آئی ٹی و ٹیلی کام آن جاری بیان نا رداٹ بنجائی وزیر شزہ فاطمہ خواجہ کیرک 24 می وزارتی کانفرنس اٹی بشخ ہلک۔ بنجائی وزیر علاقائی ڈیجیٹل کمکاری، کنیکٹیویٹی و زرکاری نا وارخواہی تیا پاکستان نا موقف ءِ پیش کرے۔ کانفرنس نا وخت آ بنجائی وزیر شزا فاطمہ خواجہ نا کرغزستان نا وزیر ڈیجیٹل ڈیولپمنٹ تون اوڑدہی مس۔ ہڑتوم آملک آک ڈیجیٹل کمکاری و علاقائی رابطہ غاتا مون آ دننگ آامنا کریر ۔ پاکستان کراچی و گوادر سب میرین کیبلز نا کمک اٹ بینڈوڈتھ نا پیشکش کرے۔ کیرک فریم ورک انارداٹ فائبر کنیکٹیویٹی نا اسیجائی کسر تیا گپ وتران مس۔ اسیجائی ٹیکنیکل کنیکٹیویٹی گروپ نا قیام نا سلاہ پیش کننگا۔ سافٹ ویئر، کلاؤڈ و سائبر سیکورٹی ٹی اسیجائی ہیلکاری پروگرام  تیا امنا مس۔ پاک کرغز اسٹارٹپ بریج نا قیام و اسیجائی ہیکا تھونزواایکسچینج پروگرام تیا امنا مس۔ داکان بیدس بشکیک اٹی بنجائی وزیر شزا فاطمہ خواجہ نا ازبک وزیرزرکاری، صنعت وواپار تون ہم اوڑدہی مس۔ اوڑدہی ٹی ڈیجیٹل واپار و ڈیہہ اٹی اسٹریٹجک کنیکٹیویٹی آ گپ وتران مس۔ کیرک ڈیجیٹل کوریڈور نا رداٹ پاکستان۔ ازبکستان فائبرلنک آ گپ وتران مس۔ اڑزان بینڈوڈتھ ، دیٹا سینٹر ز و علاقائی ڈیجیٹل ٹریڈ فلو ودفنگ آ امنا مس۔ سافٹ ویئر، فِن ٹیک و ای کامرس اٹی اسیجائی جے وی ماڈل آتیا گپ وتران مس۔ انگلش و روسی زبان نا بنداو آ آؤٹ سورسنگ ماڈل آتا مون آ دننگ نا سلاہ تننگا۔ این آئی سیز و ازبک آئی ٹی پارکس نا نیام اٹ اسٹارٹ اپ کمکاری آ امنا کننگا۔ ہڑتوم آملک آک سائبر سیکورٹی ، ڈیجیٹل پالیسی و اسیجائی ریگولیٹری فریم ورک آ کمکاری ءِ ودفنگ نا فیصلہ کریر۔