اسلام آباد۔20نومبر (اے پی پی): راجی اسمبلی ءِ اسپیکر سردار ایاز صادق ءَ ضلع کرم ءَ فتنہ ہندوستان ءِ خوارج ناشرکارانی ھلاپ ءَ سوبمندیں آپریشن ءِ ھاتر ءَ سیکورٹی فورسز ءَ را شگر ءُ منت دات۔ پنچ شمبے ءِ روچ ءَ وتی بیان ءِ تہ ءَ آئی ءَ سوبمندیں آپریشن ءِ وسیلگ ءَ 23خوارج ناشرکار آنی کوش ءِ سر ءَ سیکورٹی فورسز ءِ دلیری ءُ بہادری ءَ را سلام …
اسپیکر قومی اسمبلی ءَ ضلع کرم ءَ فتنہ ہندوستان ءِ ناشرکار خوارج ءِ ھلاپ ءَ سوبمندیں آپریشن ءِ ھاتر ءَ سیکورٹی فورسز ءَ را شگر ءُ منت درشان کتگ
گیشتریں ھال
اسلام آباد۔20نومبر (اے پی پی): راجی اسمبلی ءِ اسپیکر سردار ایاز صادق ءَ ضلع کرم ءَ فتنہ ہندوستان ءِ خوارج ناشرکارانی ھلاپ ءَ سوبمندیں آپریشن ءِ ھاتر ءَ سیکورٹی فورسز ءَ را شگر ءُ منت دات۔ پنچ شمبے ءِ روچ ءَ وتی بیان ءِ تہ ءَ آئی ءَ سوبمندیں آپریشن ءِ وسیلگ ءَ 23خوارج ناشرکار آنی کوش ءِ سر ءَ سیکورٹی فورسز ءِ دلیری ءُ بہادری ءَ را سلام پیش کتگ ءُ سیکورٹی فورسز ءِ پیشہ وارانہ ءُ بہادری ءِ توسیپ کتگ۔ خیبر پختونخوا ءَ خوارج ناشرکار آنی ھلاپ ءَ سیکورٹی فورسز ءِ کامیابیں آپریشن ستا کرز انت۔ من ءَ ھندی سرپرستی ءَ فعالیں خوارج ءِ ھلاس کنگ ءِ ھاترا فورسز ءِ دلیری ءِ کارانی سر ءَ فخر اِنت۔ ناشرکاری ءِ ھلاپ ءَ سیکورٹی فورسز ءِ دلیریں کارروائی ملک ءِ استحکام ءِ ضمانت انت۔ خوارج ناشرکارانی نیٹ ورک ءِ ھلاسی ءَ گوں بندوکیں پاکستانی اُرد ءِ بامردیں سپاھیگ آناں سلام پیش کن آں ۔ آئی ءَ گوشت کہ بھارت ءِ کمک ءَ چہ جوڑ بوتگیں ناشرکار آنی سرکوبی راجی سلامتی ءِ جزم ءِ درشان انت۔ استحکام ءِ عزم ءِ چیر دستی ءَ جاری آپریشن راج ءِ اعتماد ءُ یکوئی ءَ را گیش مھکم کنگ ءَ انت۔ سرجمیں راج ناشرکاری ءِ سرجمیں ھلاسی ءِ ھاترا سیکورٹی فورسز ءِ ھمراھی ءَ اوشتاتگ۔ راج سلام انت ھما بہادریں سپاھیگاں کہ ناشرکاری ءِ ھلاپ ءَ جنگ ءَ انت۔ ھما سپاھیگ کہ پہ راجی امن ءَ ھر محاذ ءَ مھکم اوشتاتگ اَنت آ مئے شان اَنت۔ ناشرکاری ءِ آفت ءِ ھلاس کنگ ءِ ھاترا فورسز ءِ نیمگ ءَ چست کتگیں گامگیج ستا کرز اَنت۔ یکجاھیں راج ناشرکاری ءِ ھلاپ ءَ دژمن ءِ شَرّیں پندلاں بے سوب کنت۔
